China | 上黃山前周邊的湯口鎮

一早知道要去杭州，就開始plan去黃山，自從以前行過華山，就一直好想行埋其他三山五嶽。發現網上好多資訊都係講搭纜車，唔算好多人係就咁行山去。黃山屬於安徽省，由香港可以直接搭高鐵去到湯口鎮，之後可以揀搭巴士，而我地覺得搭的士都唔係好貴，好似100左右，咁就搭啦！通常個plan都係早一日去，三日兩夜，山上面有得住不過覺得有啲overprice，所以都係即日來回夜晚返黃山腳度住。湯口鎮係比較近黃山嘅一個出發點，去到有一個南大門巴士站，依邊比較熱鬧，而我地就揀左住喺再近少少嘅逍遙溪附附近，住喺四季發現民宿，好大好舒服又安靜同乾淨，因為咁舒服所以由三日兩夜，變左四日三夜。喺依度行去搭車上山個巴士站都係十分鐘內，而南大門有時候會好多人，所以揀依度。