Mount Fuji | 登富士山 | 富士宮線 | 五合目至八合目

10 July 2018 

經過完開山儀式之後,繼續坐巴士去登山口,到左五合目都已經十一點幾,去完廁所就急不及待要上山(山上面既廁所要100yen,同埋無水洗水的),因為當時訂左頂上富士館,六點前就要到達check in,一泊一食就6500yen。

我地既物資都算帶得足,最緊要係帶衫、藥同埋氧氣,因為上到山頂又凍又大風,加上海拔高,所以一定要夠暖,食物個d唔帶咁多其實都可以,雖然越高越貴,如果你有錢,其實都可以係山上面買,不過山下幾百yen一支氧氣,可能係山上面就要1200yen。

Continue reading “Mount Fuji | 登富士山 | 富士宮線 | 五合目至八合目”

Mount Fuji | 登富士山 | 富士宮線 | 表口富士開山儀式

終於去到上富士山個一日喇,係東京有巴士直達富士宮市,車程比較平同埋無搭鐵路咁煩同埋車費平好多,而我地由名古屋個邊黎,中間經過左濱松,路程都唔算太攰。我地咁岩揀左開山第一日登山,我係食早餐之前就仆左去買巴士飛,架巴士係富士急靜岡巴士(可以上佢地個網睇下http://www.shizuokabus.co.jp/foreigner/zh/index.html)  富士山富士宮口五合目,驚無位嘛,同埋岩岩開山所以巴士都無咁密,所以我地搭九點既車,之後係酒店食完早餐就去等巴士了,架巴士係遲左少少架。 Continue reading “Mount Fuji | 登富士山 | 富士宮線 | 表口富士開山儀式”

Fujinomiya | 富士宮市

今次去日本主要目的就係要去富士山,係要上山頂嗰隻,我地揀左由富士宮上去,由名古屋去濱松再去富士宮係非常順路的。我地住係火車站隔離的Kuretake Inn Premium Fujinomiya,好喜愛依間酒店,佢係車站同巴士站隔離,好方便,同埋本身我地訂錯左一張大床房,之後我地想轉兩床佢都肯,然後我地落山仲未到check in time,佢都肯比房我地,而且價錢都唔貴,實在超推介。 Continue reading “Fujinomiya | 富士宮市”

Hamamatsu | 濱松仲有咩做 | 中田島砂丘

Nakatajima Beach 中田島砂丘

依度真係超級surprise,令我更加喜歡濱松,我地個日去完花公園,見仲有啲時間就去埋依度,由車站搭巴士都只係十五分鐘,距離市區十五分鐘就去到一個咁relax同咁靚既地方。其實依度係一個沙灘或者一個好似沙漠既地方,但佢係大香港既沙灘幾十倍既地方,落左車行幾分鐘就到到達入口,淨係入口已經見到好多沙,仲有個小湖,啲沙有好多小波浪,好似話再大風啲既話就會有更加多波浪!而要去到海邊就要行上一座小沙山,係一座幾高既山。

Continue reading “Hamamatsu | 濱松仲有咩做 | 中田島砂丘”

Hamamatsu | 濱松有咩做 | 濱名湖, 弁天島

留左係感覺上無咩野做既濱松三日,都發掘左唔少景點,除左食鰻魚,都有幾個值得睇下既地方,老實講都唔算好遊客區,一個小城市咁,人又唔多都幾舒服,我地搵左一日去濱名湖同弁天島,本來以為依兩個地方係互通,不過原來都係要返去濱松站搭車,所以去完湖就返左去搭車去弁天島,感覺有啲蠢,我推介早少少出門口,濱名湖+花公園一齊去,條路會順啲因為花公園同湖係搭同一架車,相隔只係幾個站。 Continue reading “Hamamatsu | 濱松有咩做 | 濱名湖, 弁天島”

Hamamatsu | 濱松市有咩做?

July 2018

今次去日本由名古屋出發,主要目的都係去行富士山同探老豆係千葉既朋友,所以我地飛名古屋,由東京走,途中經過左哈媽媽之,個人覺得名古屋好似都無咩野做,所以唔特別講了。我地係名古屋留左三日,再係濱松留左三日,兩個地方都留三日覺得有啲多,不過濱松竟然多野做過名古屋,面由名古屋去濱松都係一個鐘多少少,5000yen左右。

Continue reading “Hamamatsu | 濱松市有咩做?”

Lisbon to Sintra | 里斯本到Sintra一日遊 – 羅卡角 Cabo da Roca

去完Pena Palace同摩爾人城堡就可以去Cabo da Roca,歐洲最西面,由城堡要搭返巴士去Sintra火車站再轉403巴士去,大概四十分鐘就到。羅卡角除左大風就係大風,大風到可以吹走個人。早上去完幾個景點來依度就岩岩好,因為可以係度睇埋日落。 Continue reading “Lisbon to Sintra | 里斯本到Sintra一日遊 – 羅卡角 Cabo da Roca”

Lisbon to Sintra | 里斯本到Sintra一日遊 – Pena Park

入Pena Palace既門票包左Park既門票,所以唔好浪費,個公園好大,我地揀左行去最高點Cruz Alta有529m,路上都係整得好好既路,所以都唔算辛苦,行左無兩個鐘,上到去十字架會望到Pena Palace,大樹林立好多遮蔭所以有太陽都唔會好熱。 Continue reading “Lisbon to Sintra | 里斯本到Sintra一日遊 – Pena Park”