#onongelo
Galle Face Hotel
經歷完上山下海之後真係好攰呀，我地係岩岩去Colombo之後誤打誤撞就去左Galle Face Hotel，係斯里蘭卡係1864年開業，已經有百幾年歷史喇，係依度最古老既酒店，亦都係一間五星級酒店，雖然係一間五星級酒店，但真係唔貴！一晚都係千二蚊港紙！個景好靚，地點都算幾方便，有私人沙灘同埋無敵大海景。上山下海辛勞旅程返黎之後喺度休息下都不為過呀。 Continue reading “Sri Lanka 斯里蘭卡 | Colombo | Galle Face Hotel”
Galle Fort Lighthouse
沿住Hospital Road一路行就會行到去燈塔喇，左手邊就Meeran Jumma Masjid 清真寺，一路直行，就會行到一舊大岩石叫flag rock，跌落去既話就係海喇。其實galle fort的路都唔算複雜，就算無地圖都可以唔小心就去哂所有地方，行下又食下雪糕，半日就過左架喇 Continue reading “Sri Lanka 斯里蘭卡 | Galle | Galle Fort 加勒城堡的海邊”
我地參加完賞鯨團之後就去Galle喇，依一日係司機同我地既最後一日（雖然佢唔太想我地咁快完結左佢既服務，但係Galle真係唔再需要用到佢喇，我地更加喜歡自己行去睇景點，自己explore下，唔洗成日好似比佢賣豬仔咁）。Galle分左城外同城內，城內既住宿就比較貴，而且感覺好西式，相反城外就混亂一啲但都可以搵到幾好既住宿，我地總共留兩晚，兩晚都係附近走走，休息下。黎到斯里蘭卡既時候就覺得依度keep住好多英國留下黎既野，Galle Fort更加係，基乎好多野都係英式，特別多西餐廳，真係好舒服既地方。。。 Continue reading “Sri Lanka 斯里蘭卡 | Galle | Galle Fort 加勒城堡”
去到Ella Glamping 休息左之後司機就帶左我地去Nine Arch Bridge，車程大概10分鐘，去到之後要行落去，15分鐘左右，一直向下行，唔算太累但有點斜，一路上有好多當地植物，楜椒樹大樹菠蘿蕉樹等等，一直向下行就會到左個路軌，如果唔想行既話可以去Asanka Village既cafe，一樣可以望到條橋。條橋由英國建成一直保留到宜家，仍然使用中，睇岩時間仲可以睇到火車經過，可以超近距離望住架車。 Continue reading “Sri Lanka 斯里蘭卡 | Ella | Nine Arch Bridge”
我地喺Ella既住宿交左比司機負責，佢幫我地搵左個非常獨特既地方，由旅程既一開始佢都好想幫我地搵住既地方，因為佢搵既話就可以搵佢識既人，應該會有油水抽下，佢帶左我地去一個叫Ella Glamping既地方，近市中心但要上山既地方，上去之前遇到既小插曲就係架車太大而個山坡太斜上唔到，要另外租架tuktuk先得，雖然tuktuk既錢係佢比，不過唔係好方便，因為要行15分鐘先落到山。 Continue reading “Sri Lanka 斯里蘭卡 | Ella 住宿 | Ella Glamping 體驗一下在山林中露營(?)”
Haputale 唯一既景點－Lipton’s Seat，首先揸車去到Dambatenne茶廠，諗住入去參觀下既，但係就無開，然後由個度坐tuk tuk上去，如果係自己黎而唔係司機車我地黎，我地應該會慢慢行上去，反正有時間，不過無計喇司機係度，咁就坐左tuktuk上去，1000rupee一架車，都唔算貴，山路好斜，兜左好多個彎就到左入口(?)比入場費既地方，100rupee一個人。
Continue reading “Sri Lanka 斯里蘭卡 | Haputale | Lipton’s Seat”
我地只係留左係Haputale一個晚上，因為做過research同埋司機既意見，附近其實都係得Lipton’s Seat想去，之後就會去Ella一晚，唔知係咪因為司機，所以反而覺得行程無咁自由，好似比司機控制住咁，所以好想快啲賣甩個司機呀。Anyway，講左由火車站到埗之後去到hostel點先啦，我地住係一間當地人開既屋，Belview Guest House，超平，大約HKD150一晚，個屋主好好客，係咁同我地講野，當日得我地一家人，其實個段時間生意應該都唔多。 Continue reading “Sri Lanka 斯里蘭卡 | Haputale 住宿 | Belview Guesthouse 體驗一下鄉村風情”
我地既行程未必係最佳既次序，因為當初想襯有力快啲行左Adam’s Peak所以先去左行山，如果唔係通常會去左北邊既elephant rock先，所以我地其實係由中間打橫去，放棄左北方既景色，如果下次再去，我會建左北上或者南下先，唔好由中間切入，因為會放棄左是但一邊既景點。 Continue reading “Sri Lanka 斯里蘭卡 | Devon Falls, St Clair’s Falls, Nuwara Eliya to Haputale 火車”
ONONTHEROAD 