#onongelo
去完Pena Palace同摩爾人城堡就可以去Cabo da Roca，歐洲最西面，由城堡要搭返巴士去Sintra火車站再轉403巴士去，大概四十分鐘就到。羅卡角除左大風就係大風，大風到可以吹走個人。早上去完幾個景點來依度就岩岩好，因為可以係度睇埋日落。 Continue reading “Lisbon to Sintra | 里斯本到Sintra一日遊 – 羅卡角 Cabo da Roca”
入Pena Palace既門票包左Park既門票，所以唔好浪費，個公園好大，我地揀左行去最高點Cruz Alta有529m，路上都係整得好好既路，所以都唔算辛苦，行左無兩個鐘，上到去十字架會望到Pena Palace，大樹林立好多遮蔭所以有太陽都唔會好熱。 Continue reading “Lisbon to Sintra | 里斯本到Sintra一日遊 – Pena Park”
由Pena Palace去Castelo dos Mouros只係幾分鐘路程，同樣係434號巴士，如果咁岩有車既話就好快，行路都只係十幾分鐘左右，摩爾人城堡有啲似長城既迷你版，位於Sintra山上面所以可以離遠望到Pena Palace。2017年入場費係€8。 Continue reading “Lisbon to Sintra | 里斯本到Sintra一日遊 – 摩爾人城堡 Castelo dos Mouros”
Pena Palace 比一個公園包圍住，搭巴士到達入口買左飛再要行少少山先到個宮，因為佢座落係個山頂上面，係依邊既入口可以直接買埋其他景點既門票，依度我地順便買埋摩爾人城堡，Pena Palace 可以揀淨係入 Park 唔入 Palace，其實淨係入Park €7.5 已經好多野睇，可以去宮既外圍，不過難得黎到，比多少少睇下入面 €14。摩爾人城堡就 €8，都幾好睇，如果有更多時間就仲好，可以慢慢行。 Continue reading “Lisbon to Sintra | 里斯本到Sintra一日遊 – Pena Palace”
去左Lisbon之後一日決定去遠少少既Sintra，小小既城鎮有幾個幾有趣既景點，搭大概40分鐘既火車，再轉巴士去唔同既景點。由Lisbon去Sintra既火車由Rossio火車站開出，喺火車站有賣一日交通券，€15.5，包括一張VIVA card (€0.5類似八達通) 同埋來回既火車同埋鎮入面既巴士，我地去左Pena Palace, Castle of the Moors (摩爾人城堡), 同埋最想去既 Cabo da Roca (羅卡角)，所以買一日券係抵左既。
去到里斯本有種熟悉既感覺，可能係因為澳門，地下既碎石路，同埋樓既顏色，都係啡啡黃黃咁，而啲樓都唔係好高，我地由Anjos行去海邊都係民居，但啲屋都係好靚，通常都屋既前後都有露台，同埋窗門都好大，屋入面大多數都無冷氣，依邊天氣雖然熱，但一入屋就好涼爽，唔係好需要開冷氣。
係去里斯本之前book左R. Passos Manuel既Airbnb，之後咁岩見到Facebook有人不幸地係里斯本比人打劫、遇到黑心酒店等等，所以到埗之前有Google下里斯本邊度係危險，點解一search之前，發現我地住既附近就係網上惡名遠播既Anjos, Arroios, intendente，跟住睇到既都係搶野，小偷，係遊客唔會去既地方。依個就係我到埗之前既感覺，turn out原來係多餘既，其實去旅行，唔洗擔心得太多。
通常每去一個外國城市，都會有一座Cathedral，主教座堂/大教堂，係天主教係一個地方既正式駐地，個教區既中心，通常一個城市都係得一座Cathedral，Köln Dom (Cologne Cathedral) 曾經係全世界最高既大教堂同世界最高既建築，未出車站已經覺得佢好宏偉，而且外牆黑色好似好污糟唔似其他教堂咁乾淨白雪雪，本來座教堂係白色但因為污染所以變左黑色，但係其實佢地會keep住洗個外牆，不過變黑既速度快過洗白既速度，可以見到有啲地方係白的。
ONONTHEROAD 