01 Jan – 03 Jan 2018
Day 1 Devon
由倫敦揸車去完舊鄉村之後就直接向英格蘭西南面出發，去之前亦無好好做資料搜集，當時淨係想去啲比較無咁凍同熱鬧既地方，所以上網見到風景好靚之後就決定去，係英國其中一個national park，揀左一間bnb係比較平，見到個屋主係superhost，有free parking同好近附近行山就book左，都無睇清楚間屋其實係點。
真係喜出望外，我地去到已經七點幾，英國既路或者motorway都無乜燈，到左附近真係有種寧靜既感覺。一去到，敲門，先黎開門既唔係屋主，係四隻狗狗，佢地好high，我地都好high，屋主叫katie，原來佢做狗狗寄宿，間屋分左兩層，有前後花園，地下個層狗狗都可以自由出入，英國都好適合養狗，感覺好人道，同埋佢地似當狗狗係朋友或者家人，唔係寵物咁簡單，同香港好唔同。
（大帝勁開心有得撚狗）
Day 2 ~同狗狗行山~
Katie話佢每日會帶狗狗去散步三次，諗起香港既狗狗酒店，應該唔會有咁既服務。佢同佢地會一齊訓，同埋睇得出佢地好聽Katie話。我講笑話我地可唔可以同佢一齊去，佢竟然當真，話第二日可以去Plymouth既海邊或者Moor附近既山行山。
我地揀左去行山，因為我地好鍾意行山嘛，當Katie知道我其實好少揸車之後佢話可以坐佢架車，仲借埋喺嗰度行山需要既衣具。嗰度同香港行山真係完全唔同，因為冬天天氣唔穩定，英國又潮濕，所以絕對著唔到dr martens行山，佢借左鞋同雨褸比我地，好彩著左佢對鞋，因為啲路好muddy，姐係好似踩屎咁，個質地幾正。
Lustleigh
佢架車係架Van仔，睇得出係改裝過入面帶啲狗出街，我同小狗坐前面，其他狗就坐後面，係附近接多一隻狗係就出發了。離我地住嗰度差唔多四十分鐘車程，啲狗狗都無咩坐唔定，應該係坐慣車。
無可否認狗行山真係好叻的，佢地好乖，唔洗上繩都唔怕唔見左佢地，雖然行得好快但係會識等人，有空地時佢地好似好開心，係咁兜圈咁跑，住依度既人應該每家都有狗，見其他行山人士都有帶狗狗。我好欣賞佢地唔係當狗狗係寵物，係度既狗感覺好自由，雖然個地好muddy，但係都可以好開心咁走，啲人唔覺得佢地污糟哂驚依樣嗰樣，始終我覺得狗都係自由既生命。
只係去到有馬或者羊既地方先上返繩，啲狗好似好鍾意同馬玩
其實我地去既地方唔算係依個national park最出名既地方，最出名應該係Hound Tor同Haytor，Sherlock有一集就喺Houndtor同附近拍。我地只係離讓望到，但係我地行山既地方都有好多tor，姐係類似大石，大山既東西。
行左三個鐘左右，登上左最高(其實唔係好高)，見到一片山林，影相影唔到既壯觀，如果無Katie帶路，應該唔識黎。啲樹無葉，但個地都係好綠，可以睇到依度天氣好好，因為係樹上面有一條條空氣好先會生既野。成個trip其實都好好，唯一不足就係冬天日照好短，好早天黑，所以做唔到好多野，天黑基本上無咩做到，要返去休息。
我地最尾見咁早，去左買雞整港式豉油雞食😍 Katie就拎左佢整既kimchi同其他醃野比我地試下，佢好鍾意亞洲野食，有好多亞洲調味料。
Day 3 Devon to Stonehenge and London
本來打算同Katie去海邊，不過因為要趕返去睇阿仙奴同車路士大戰，驚遲到，所以中途我地自己去巨石陣，有啲後悔架，睇巨石要17pound，所以到左都無入到去，當係一個休息既地方，有人話可以兜去後面睇，再行入啲就可以近距離觀看而唔洗比錢。由Devon返倫敦既路途天氣好好，忍唔住落車影左幾張相，而我揸車就越黎越快，仲識爬頭😂
Stonehenge
ONONTHEROAD 