由差唔多廿年前開始，每年總會去一去台灣，去到要搵新嘅地方去！每次都會盡量搵啲小島去下，綠島、龜山龜、小琉球，上年就去蘭嶼，今年，終於去埋未去過嘅馬祖！馬祖同金門有少少似，都係離台灣本島比較遠，反而離大陸近啲，今次，都係經小三通由福州去，由黃岐港搭船大約半個鐘，如果喺台北，就搭一個鐘都唔洗嘅飛機去，當然都可以由基隆搭十個鐘嘅過夜船過去，我地台灣嘅朋友就直接喺松山飛去。馬祖有兩個比較大嘅島，南竿同北竿，南竿比較大，兩邊都有機場。
如果由福州搭船，都可以去到南北竿，不過碼頭同時間都有啲唔同，如果要去北竿，就要由黃岐港去，船程大約30分鐘，不過由福州市，坐車過去黃岐就要差唔多個半鐘左右。而要去南竿，就要由琅岐港，由福州站搭南只係30分鐘左右，不過船程就要搭個半鐘到兩個鐘。為左唔好暈船浪，我地當然寧願搭耐啲車去黃岐，搭30分船去北竿住一日先去南竿，因為北去南竿，都係15分鐘船。
我地總共去左十日，順便去左福州同汕尾，馬祖五日四夜
Day 1 香港 – 深圳北 – 福州 [ 住福州 ] : 搭高鐵 4.27hr
Day 2 福州市觀光一下 – 連江 – 黃岐 [ 住黃岐 ]
因為要去連江接家姐，佢由香港直接去連江，連江係一個比較近黃岐嘅一個高鐵站，如果唔去福州，可以考慮直接搭高鐵黎依度轉的士去黃岐。因為第二日10點船都算早，所以住呢度一晚，係一個比較鄉郊嘅地方，多數都係賓館，我地搵左間比較貴但新同乾淨嘅民宿，一百分
我地喺連江站求其搵左架130RMB嘅的士去，我諗滴滴可能平時，但係費時等，而且130都唔算貴，車程都要起碼九個字。
Day 3 黃岐 – 馬祖北竿 10:30船 租私家車TWD2500 [ 住北竿 ]
因為一家大細，所以無諗住要租機車，而且好曬同埋路好斜，所以租私家車有冷氣係會舒服好多，都唔係好洗格價，因為間間都係呢個價錢，同埋唔係好多間有車可以租，住嘅地方近第二日去大岴島，去大岴個碼頭係橋仔港，約好船家就可以出發，好似TWD250一個人，民宿收平左我地
Day 4 北竿 15分鐘船去大岴島睇鹿，之後去南竿 [ 住南竿 ]
大岴嘅船只要約好時間，上網睇話要15分鐘，但其實好似只係搭左5分鐘，時間好flexible，通常兩個鐘後會黎接返你，如果想早啲走就打電話比船家。去完大岴，就去南竿啦，喺黃岐搭船，喺南竿都係租左兩日車
Day 5 – 南竿觀光一日 [ 住南竿 ] 租車全日都喺南竿
Day 6 – 南竿 – 北莒坐台灣好行一日遊 – [ 住南竿 ]
南竿搭船去北竿要50分鐘，架船唔係好多人去，好彩架船一啲都唔拋，嗰日無乜浪，我覺得唔洗買定船飛，但係要買定台灣好行嘅車飛，因為得一架車，而且得廿幾個位。同埋北莒係無私家車，如果可以揸機車就唔洗去台灣好行，但揸唔到，極度建議！！！因為係好似一個旅行團，車到你去一個地方，等你，再去下一個地方，好方便同舒服！TWD500一個人好抵
Day 7 南竿回北竿再回福州 [ 住汕尾 ]
全日交通日，本身呢一日係喺連江休息，但係打風怕高鐵取消，所以呢日變左交通日，由中午南竿回北竿再回黃岐再回福州，再搭高鐵去到汕尾已經夜晚九點幾。黃岐約返之前個司機幫手約車，RMB230去到福州南站，搭左一個半鐘，都費時講價，哈哈
Day 8 汕尾打風日 – 個風打到正汕尾，三點之後咩都無得做，去親戚度食飯
Day 9 汕尾打風日 – 都係無咩好做
Day 10 終於回家了，好彩個風走左，高鐘無取消
一些馬祖 Highlight
ONONTHEROAD 