England 英格蘭自駕 | Sixt Car Rental 英國租車

1 Jan 2018 London

終於到左租車嗰日，我揀左係Sixt租，因為未夠25歲，唔係間間公司都可以租到，總共租左六日，其實未夠25歲真係有啲唔抵，因為要比Young Age Waiver，加上我考左牌之後好耐都無揸過，所以唔敢唔買保險。Sixt係倫敦City Centre都有得pick up，不過考慮到City Centre交通好繁忙，我會好驚，所以都係喺Heathrow pick up，好似會無咁易有危險。

一開始我reserve左Peugeot 308，但佢最終比左架好浮誇既紅色Volvo我，check清楚架車就開始了，揸落感覺都唔錯，係Heathrow附近操左一陣，就出左motorway南下。英國既路況幾好，其他車好禮讓，cut線時佢地讓就會眨一下車頭燈，但我唔係好識點樣可以令車頭燈眨，唔知係邊度操作，同埋因為冬天，我又係唔識點樣令個玻璃無咁大霧氣，我返到香港問老豆，佢話開少少冷氣吹個玻璃😂 仲有，架車其實都幾煩，佢會無啦啦話 ‘driver alert, take a break’，有時會比佢嚇親。

Cotswolds 英式小村

我地分別南下，之後返London睇波，之後再北上，主要都係英格蘭既山區。第一站去左一個好舊既小鎮，離London差唔多兩個鐘（可能係我揸得慢），搭火車既話搭去Cotswolds 。揸車既話個度有Free Parking，但我見好多車都係泊係未入村前面既路邊。

條村其實好快行完，建築同生活模式都好舊英式feel，好靜，聽講有人會係隔離條村騎馬過黎。如果自駕向英格蘭西面或者南下，都可以過黎睇下。