Galle Face Hotel
經歷完上山下海之後真係好攰呀，我地係岩岩去Colombo之後誤打誤撞就去左Galle Face Hotel，係斯里蘭卡係1864年開業，已經有百幾年歷史喇，係依度最古老既酒店，亦都係一間五星級酒店，雖然係一間五星級酒店，但真係唔貴！一晚都係千二蚊港紙！個景好靚，地點都算幾方便，有私人沙灘同埋無敵大海景。上山下海辛勞旅程返黎之後喺度休息下都不為過呀。
當日我地直接由Colombo Fort Station call Uber過去，都係十分鐘左右，大約二三百蚊rupee，因為搭完一程好攰空氣好差既火車，所以去到酒店就直接休息一下，沖個好乾淨既涼同訓下覺。由落車個一刻開始就有人黎幫你拎行李，再請你飲杯welcome drink，之後check in都好高速，之後就有人帶你入房，一入到去。。間房係超大呀，間雙人房，大到可以容納十幾人，大到覺得好空虛～。～唔記得影房間既相，但間房setting類似下面依張，但再大一倍，有小插曲就係有一張床係爛左，不過我地兩個人訓，訓一張床都無咩所謂。
好美麗既印度洋同埋私人沙灘
Spa Ceylon
我同家姐終於決定去做spa！依間酒店自己有spa，係用loccitane既product！好心動，不過更加想試下Spa Ceylon，因為去邊都見到依間野，又唔太貴，行幾步就去到，係一間價格實惠但有好服務既一間野！我地事先無去book到，一入到去又係當你貴實咁招待，揀好做咩就帶你入去喇，因為時間唔多要趕住之後去食飯，我地揀左做60分鐘Lucury foot ritual，只係rs 3800，入面好黑所以都影唔到相，但係我可以肯定咁講，係一個超舒服既環境，家姐仲做到訓著左，間野店面係賣product既地方，spa就有秘道帶你去樓上，成間舖好靜，都見唔到其他人客，首先帶你去換衫，之後浸腳，同時做頭部按摩，佢有d balm令你更加舒服同relax。依間spa product既味道都比較濃烈既東南亞味，我本身就鍾意loccitane啲bb味，當下覺得都幾香，但係買左支lotion同handcream，返到香港又覺得唔係好香。
The Bavarian
因為好攰既關係， 就無去到好遠食飯，去左過一條馬路既德國餐廳，裝修好靚，當地黎講都唔算平，但係好食同乾淨！
Galle Face Night Market
酒店一行出去就係一個大空地，日頭就無咩野睇得個海，但夜晚就變成夜市，我地食完飯行左個圈，雖然好多野食但係就唔係好岩我地口味，志在食飽飽就去行下
夜晚就係酒店飲下啤酒chill下吹下海風
第二日訓到check out，之後游下水，有人係海邊結婚，好靚！
P.S. 我覺得除左有個小插曲依間酒店就近乎完美喇，由食完飯返去11點幾12點左右，一直都有好嘈既音樂聲，我地打電話去投訴，等左一陣都無改善到，之後我給家姐終於忍唔住落去lobby同佢講，之後都無改善到，我地就去搵個源頭，原來係有公司係度搞annual dinner，我覺得真係好差，以一間五星級酒店黎講，竟然容許到訓覺時間都可以咁嘈，真係幾差，到一點幾先有改善到，真係好躁啊。。。
Crescat Shopping Mall
附近有個商場仔，有超市food court，可以買到茶葉做收信，好多聖誕節裝飾，唔行唔知，附近都係西式五星級酒店，check過都唔貴囉，一千蚊左右就住到cinnamon grand movenpick shangri la
ONONTHEROAD 