Sri Lanka 斯里蘭卡 | Yala National Park | Yala Safari 尋找豹豹 (上集) 見到豹豹的尾巴

離開了Ella之後,告別嚴寒,直接開車去南邊炎熱既Yala,出名既野生國家公園,希望睇到斯里蘭卡豹,除左豹仲有黑熊、好多孔雀、水牛、狐狸等等既動物。由Ella去Yala車程太約三個鐘左右,路上都係比較原野既地方,但好明顯已經離開高山地方,車程都見到海同埋太陽。

Yala National Park

Yala距離我地住既地方Tissamaharama大約半小時車程,入園要坐吉普車,黑色無窗好高既車,6000lkr一個人,連入場費,都算公價,有啲可以5000lkr一個人,不過未必包入場費,有啲就係租一架車5000lkr,入場費就3700lkr一個人,如果多人,就咁租一架車都係抵的,我問個間係在路邊見到既廣告叫Lahiru Safari Jeep Tours係tripadvisor都有好評,有興趣可以問下先。

首先要了解下Yala究竟有咩睇呢?就係斯里蘭卡豹同埋熊,仲有好多其他小動物,象係依邊就唔算多,如果想睇象可以去Udawalawa National Park度睇。Yala分左五個block,而唔係每個block都可以入去睇,我地就淨係去左block 1同2,去之前有朋友係前兩日去左,就話無見到有豹同埋無咩野好特別,所以我地本身有睇唔到豹既心理準備。

當日我地四點就出發,畢竟都要坐一陣車先去到,吉普車一早就直接過黎住個度接我地,天未光就風塵僕僕出發,架車係電視見到非洲Safari會坐個啲車,我地架車都幾舊,有啲安全帶爛左,雖然依度係熱帶地方,不過成程我都覺得凍,啲風係四面八方吹入黎。

坐左一陣車,個天就開始光,去到入口要排隊,我覺得都算多人入去睇,我覺得我地jeep既司機好好,佢真係有為左帶我地睇更多既野穿黎穿去,所以我覺得去Safari最緊要有個醒爬既司機,佢係我地司機個friend,我地司機今日都好生動。

     

一入到去係湖同一望無際既樹林,係依度已經見到有唔同既動物,一大群牛牛,羊羊,排完隊入park之後第一樣野見到既就係。。。孔雀同不知名既鳥,當時司機已經好興奮,當下我心諗,今日會唔會睇到既就係依幾樣野。。。

雖然我唔係第一次見到孔雀,但係樹上既孔雀我真係第一次見!佢地係樹既最高,我真係估唔到佢地可以去到咁高!孔雀都係我地係yala見到好多次既動物。

      

之後就見到有熊熊既腳印。。。

Block 2

jeep司機好快就收到風話有行家見到豹,於事我地就疾飛過去,我地本身都唔知發生咩事,但佢唔係講笑!係真係有豹,不過係有點遠,但係都算見到!人生見到野生豹係喺YALA!係一隻好肥大好懶唔係好郁既肥大豹!好靚好肥大既豹紋,係度留左一段時間就走左,留返比其他人睇嘛

估唔到一開始依個Safari就見到最想睇到既野,之後就係啲小動物,牛呀、象呀、蛇呀、雀呀、科莫多龍呀等等等等,仲有山呀奇怪既蜜巢等等

     

     

     

     

之後我地去左海邊,當年南亞海潚有份催毀既地方,去左洗手間,聽左司機講解一下,再食少少佢地幫我地準備既野,就再次出發了。

Moonbeam the Wildheaven

     

今次住宿都係司機幫手搵,差啲又比佢搵左笨,佢開價兩間房成100蚊美金,其實係hotels.com只係85usd,最終同佢講左,都係收返hotels.com個價,Moonbean The Wildheaven位於national park附近一個小鎮 Tissamaharama,而酒店距離餐廳就要行10-15分鐘,都唔算近。酒店外觀好似泰國渡假既地方,但乾淨程度就差好遠,未入住之前司機用泳池黎做吸引點,雖然我地本身都無諗住游水,但去到見到個泳池。。。好混濁。。好多蚊真係一定唔會跳入去游。至於房個方面,唔算十分乾淨,床單有點漬。。。個重點係好多蚊,用左一個下午趕蚊都趕唔走,一打開門就係一堆蚊,好彩有帶蚊怕,薰一薰先算可以住到。

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.