我地喺Ella既住宿交左比司機負責，佢幫我地搵左個非常獨特既地方，由旅程既一開始佢都好想幫我地搵住既地方，因為佢搵既話就可以搵佢識既人，應該會有油水抽下，佢帶左我地去一個叫Ella Glamping既地方，近市中心但要上山既地方，上去之前遇到既小插曲就係架車太大而個山坡太斜上唔到，要另外租架tuktuk先得，雖然tuktuk既錢係佢比，不過唔係好方便，因為要行15分鐘先落到山。
Ella Glamping係比較原野既地方，住既地方係幾個大帳篷，有鳥語花香既感覺，除左上去要行大斜坡之外，其實我地都幾鍾意依度呀，感覺好似返左農場住咁。一晚兩間房佢收左80蚊美金，不過佢收貴左我地成10美金，可能個10蚊司機袋左啦，其實我地都唔係好呃既。招呼我地既係一個當地人，皮膚好黑，英文唔係好好但係好友善，幫我地拎袋之餘都有招呼我地飲茶食餅，第二朝仲煮左早餐比我地食，係薄餅生果等等，多到我地食唔哂。
黎到Ella已經無Haputale咁凍，依度竟然有熱水，雖然唔係話好熱但係都可以沖個涼，而且床鋪都好乾淨，好relax既地方，我要個camp後面就係一片山林，好想行上去睇下啊，不過司機話有動物係上面，訓到朝早既時候真係聽到「呀～嗚～～」既狼叫聲，係度住左一晚就走左，Ella留一既就夠喇。。。
Ella Glamping
喺室外食早餐既地方
由依度行入去
ONONTHEROAD 