我地只係留左係Haputale一個晚上，因為做過research同埋司機既意見，附近其實都係得Lipton’s Seat想去，之後就會去Ella一晚，唔知係咪因為司機，所以反而覺得行程無咁自由，好似比司機控制住咁，所以好想快啲賣甩個司機呀。Anyway，講左由火車站到埗之後去到hostel點先啦，我地住係一間當地人開既屋，Belview Guest House，超平，大約HKD150一晚，個屋主好好客，係咁同我地講野，當日得我地一家人，其實個段時間生意應該都唔多。
Belview既location唔算方便，但係間房好大，不過無熱水，乾淨程度都唔算高，總之就係一陣農村既味道，佢地係回教既家庭，因為依度去市中心都有一斷距離，司機送左我地過去之後都走左，當晚就係個度食飯，佢地既咖喱雞餐750rupee一個人都唔算太平，因為雞都唔多。食完飯之後同啲小朋友影下相，佢地對我地好好奇，hostel主人話依度係佢地既祖屋，幾兄弟住埋一齊，斯里蘭卡既教育好好，小朋友都識講英文，佢地好鍾意同我地影相，好得意啊。
12月Haputale 既夜晚得10度左右(或者更低)，涼都沖唔到，明明我book之前有問佢有無熱水，佢話有，其實都係無架，有熱水爐，不過都係用唔到架，我記得我個晚係著住牛仔褲訓覺，依度都算落後，係真正農村生活，可能無咁凍既心理準備，夜晚好早就訓左，第二日要去Ella，所以好早就出發去Lipton’s Seat，佢地有提供早餐，薄餅，生果等等，當時就好掛住沙嗲牛肉出前一丁同凍檸車喇。
Belview Guesthouse
Dinner
ONONTHEROAD 