蘇格蘭冬天| 高地自駕 | Scotland | 路過Glencoe和尼斯湖

去完Loch Lomond個plan本來就係去Glencoe,一路天氣都係陰陰地,不過都見到好多山,直頭係山中間揸車,但係我地路過既時候都就天黑喇(因為個間超慢既餐廳囉。。。),決定住係Glencoe過少少近Fort William一晚然後第二日再返去Glencoe睇下。不過我地都好不幸,夜晚就開始落雨,第二日依一區: Glencoe, Fort William到尼斯湖Skye都係陰天雨天,我地放棄左依一part,繼續本來無打算去既北邊。 Continue reading “蘇格蘭冬天| 高地自駕 | Scotland | 路過Glencoe和尼斯湖”

蘇格蘭自駕 | Scotland | Loch Lomond – Helensburgh and Luss

我地由Liverpool去Glasgow諗住過除夕,不過一去到St. George Square竟然無倒數活動,好失望呢,第二日好多野都唔開,包括油站,搞到要去到湖附近入貴油,係Glasgow見到平油都係120! 一路去到Loch Lomond同Glancoe都係越黎越貴。係超市買完啲乾糧呀水呀個啲就開始今個旅行既重點,北上高地!我地第一個地方就係Loch Lomond,之後就去Glencoe,係Loch Lomond其實都無咩plan,主要係睇下個海,淨係知道今日日頭就去Loch Lomond,夜晚就去Glencoe

Continue reading “蘇格蘭自駕 | Scotland | Loch Lomond – Helensburgh and Luss”

英國自駕 | Liverpool 利物浦

英國租車第二日就係經利物浦去北上蘇格蘭喇!我地經Gloucester去Liverpool車程三個鐘左右,計埋休息去廁所,差唔多三個幾鐘。係英國揸車真係一啲壓力都無,跟車唔貼,大家又好禮讓,不過要留意返車速,英國最快M既motorway只係可以行70mile,由London到Liverpool,都好多鏡頭,再北d就唔覺,我懷疑自己有比人影到相,路上會見到好多相機既sign,不過我就咁睇,好多人都揸得快過70mile好多,比人影左兩次相之後都唔敢揸咁快。 Continue reading “英國自駕 | Liverpool 利物浦”

英國自駕 | Gloucester Cathedral 霍格華茲的走廊

係倫敦攞左車之後直接就即刻往西走,先去左Oxford附近既Bicester Village行下,不過其實實係無咩斬獲,好多人所以都不值一提。之後就直接去Gloucester,依度最出名,一入到去City Center附近就見到好多sign係指住去大教堂,所以唔會好難搵,教堂出面有停車既地方,不過就見到個牌唔係隨便可以停,為左穩陣都係搵左個停車場,Longsmith Street Car Park,一個鐘£1.40​,泊好左之後要買好張飛擺係車頭入面,如果你覺得你會停多過一個鐘就要買兩個鐘,英國泊車個模式就係pay and display,要預買多d,因為唔可以過左鐘唔返黎。 Continue reading “英國自駕 | Gloucester Cathedral 霍格華茲的走廊”

England 英格蘭自駕 | Winter in Peak District 峰區冬天 – Curbar Edge

04 -06 Jan 2018

Day 3
依一日天氣好過前兩日,不過都凍左,一早就出發係因為夜晚就要返倫敦,去Curbar Edge黎完結Peak District既旅程,又再一次去左Castleton既山谷。

Curbar Edge係東邊一個小山,爬上小山,睇到既係一片田園同山景,俯視山下面既景色。由Buxton揸車去到Curbar大概45分鐘,沿途都係晴天,因為係星期六,比前一日多車,但去到Curbar Edge Carpark都有位泊車。

泊完車之後去edge都有好清晰既指示,個山唔算好高,但通往好多地方。山上面好大風,行唔到好耐。

 

Continue reading “England 英格蘭自駕 | Winter in Peak District 峰區冬天 – Curbar Edge”

England 英格蘭自駕 | Winter in Peak District 峰區冬天 – Edale, Castleton, Derwent

04 -06 Jan 2018

Day 2 

經過左早上大霧既山景,中午開始好天,太陽都出左,其實係一邊好天一邊唔好天,我地返左去Mam Tor個頭,揸過去Edale同Castleton,途中景色都唔錯,冬天唔係旺季加上係星期五所以唔算好多車同人,只有好多羊羊,空氣好好,有時覺得依邊個天好矮好近。

Continue reading “England 英格蘭自駕 | Winter in Peak District 峰區冬天 – Edale, Castleton, Derwent”

England 英格蘭自駕 | Winter in Peak District 峰區冬天 – Buxton, Mam Tor, Edale

04 -06 Jan 2018

Day 1 London -> Buxton

係倫敦睇完阿奴之後又繼續好唔緊密既行程,早上先決定去Peak District,住既bnb都係揸緊車既時候先book,差唔多成11點先出發,係倫敦揸車好麻煩,好多迴旋處,要阿婆揸車咁款先睇得清楚,唔敢鬆懈,上左M1就relax好多,不過M1好多大車,keep住行中線都唔怕。

揸一個幾鐘就無左一格油,入三格油大既20pound,英國service station入油大概135pound,第一日唔識就去左入,問一問都算係貴,non service station最平見過118pound,平均120-125pound都可以接受。途中都好多service,多數都係fast food,好多時出發之前都買定啲零食。

Continue reading “England 英格蘭自駕 | Winter in Peak District 峰區冬天 – Buxton, Mam Tor, Edale”

Emirates Stadium 酋長球場 | Arsenal vs Chelsea 阿仙奴

03 Jan 2018

有好大部份去英國既原因都係因為想睇阿仙奴,帝揀左3號對車路士既賽事 (本來係1號,所以由1號開始租車,佢轉左日子,搞到要專登返倫敦),由決定左去英國之後,就捕住啲飛,因為唔想買貴飛,所以join左red membership,好似要35pound左右,到開賣既時候,買左95.5pound,都平過唔係offical site買,開賣時可以上網買但要等好耐所以我打電話去,overall都唔係好難買到。

Continue reading “Emirates Stadium 酋長球場 | Arsenal vs Chelsea 阿仙奴”