首先，因為想上網買電腦，但係Apple Store唔支援Alipay，所以諗住買左gift card先，再上網redeem，點知原來分左兩種，一個係Apple store gift card，另一個無app store card，兩樣野無唔同既，app store card淨係可以買app/imusic/icloud之類既野，所以第一個蠢左既就係買錯左，都無辦法唯有試下放左佢。

咁唯有試下係網上面放左佢啦，擺左上去一陣，就有人問價喇，佢完全無講價，好爽快，之後就問我戶口號碼同個名喇，就話會過數比我。過左一陣之後，真係收到筆數，亦收到佢轉數快既圖，但係我就睇我網上銀行，寫住[Cheque deposit machine]，依件事真係好奇怪既，如果係轉數快過數，又點會係入支票機度過數呀。

所以！警世！網上交易，見到戶口既可用結餘有依個數先係真正過到數，帳面結餘有依筆數係唔代表過到數架！！！！！如果有人用支票入比你，十居其九都係騙徒！！！！一定要確認左筆數係過左！先好比件貨人！！！！好彩平時睇得新聞多，如果唔係都會好易中招！！！！就埋就算佢係online banking入比你，都唔會係下面轉數快張圖，張圖會寫住係入左支票，所以依張圖都係假的！！！！！！如果你疑似遇到騙徒，可以去警署同銀行備左案先！！！！