我地由Liverpool去Glasgow諗住過除夕，不過一去到St. George Square竟然無倒數活動，好失望呢，第二日好多野都唔開，包括油站，搞到要去到湖附近入貴油，係Glasgow見到平油都係120! 一路去到Loch Lomond同Glancoe都係越黎越貴。係超市買完啲乾糧呀水呀個啲就開始今個旅行既重點，北上高地！我地第一個地方就係Loch Lomond，之後就去Glencoe，係Loch Lomond其實都無咩plan，主要係睇下個海，淨係知道今日日頭就去Loch Lomond，夜晚就去Glencoe
英國超市
其實來來去去都係個幾間，最平既有Aldi, Iceland，可以有幾p一包菜，1鎊一舊cheese，之後就係Tesco，價錢同質素都幾好，再貴少少就係Sainsbury’s，但我覺得都可以接受，路上都有經過Costco，不過因為新年就無開，依幾間都有superstore，姐係超大間超市，係城市入面通常都係express之類既就會細間啲，superstore都唔會好遠，通常superstore都有油站，其他好大既store，賣玩具，nike outlet都見過，Mark and spencer都有好多大間。
Loch Lomond
由Glasgow去Loch Lomond既一個小town都唔洗一個鐘，一定要入左油先黎，過到黎依邊既油都係125起跳。依個湖都係英國數一數二既大湖，因為無尼斯湖咁出名，所以行得黎都幾舒服，唔洗人逼人。行左十幾分鐘之後就係依10日會見到既景色，係山同埋山。
Helensburgh
湖邊小鎮，唔算係Loch Lomond既地方但係已經好近，係一個湖邊/海邊小鎮，可能因為係新年，所以條街無乜人，我地去到個時多雲，有神光，平靜既水面，水邊有一個好大既停車場，我地係度停左一陣子，影下相，之後就出發去另一個小鎮。
大風到講唔到野，好彩係cheshire Oats買左件大褸，如果唔係一定會凍死，因為越北越凍，凍都唔係問題，係超大風，吹到頭都甩個隻，所以褸一定要有帽。
Luss
之後就直接去Luss，係Loch Lomond最出名既小鎮，依度個湖面好平靜啊，不過真係好凍，但係有一個有游水囉！應該得幾度。
Loch Lomond Arms Hotel Restaurant
好伏！我地都係想食少少野，叫左碗湯，Mac and cheese，菜，但都等左成個鐘，浪費左好多時間，我都明英國係慢開，都依間真係最慢，叫杯野飲都要半個鐘，仲要係依邊既日照時間係咁短，等得黎都就黎天黑，真係唔係好明點解少少野都可以咁耐，仲要係唔好食的。。。。
ONONTHEROAD 