我地參加完賞鯨團之後就去Galle喇，依一日係司機同我地既最後一日（雖然佢唔太想我地咁快完結左佢既服務，但係Galle真係唔再需要用到佢喇，我地更加喜歡自己行去睇景點，自己explore下，唔洗成日好似比佢賣豬仔咁）。Galle分左城外同城內，城內既住宿就比較貴，而且感覺好西式，相反城外就混亂一啲但都可以搵到幾好既住宿，我地總共留兩晚，兩晚都係附近走走，休息下。黎到斯里蘭卡既時候就覺得依度keep住好多英國留下黎既野，Galle Fort更加係，基乎好多野都係英式，特別多西餐廳，真係好舒服既地方。。。
我地到埗之後就行左入城喇，諗住周圍睇下，由住個度行入去就大約15分鐘，依邊天氣好舒服，有太陽但又唔熱，一路都有風。城入面唔算好大，有好多好西式又裝修得好靚既餐廳同店，可以逛到一個下午。第一晚我地就係咁二行下，上左城牆望望，第二日先認真地行啲店。
經過Cricket場入左城之後就會見到好多樓梯都可以上城牆，好多遊客同細路係上面玩，行遠少少就會見到個海，到處都係歷史
行到最遠就可以睇到一望無際既海，然後有好多人係度等日落，又有人係度擺賣，唔算多人所以好舒服，
Galle Fort Clock Tower – 由海邊行返轉頭就係鐘樓，鐘樓附近都係泥地草地，有好多細路係度踢波，跑黎跑去咁，佢地好似好簡單，踢下波就好開心，又會歡迎你R波踢。
Airbnb租到的Home Living Unit有兩間房for我地，一棟有三層然後我地間房係二樓同三樓，個host好好人，睇得出佢都係有錢人家，家裡有傭人負責執屋煮早餐等等。
ONONTHEROAD 