喺我地一到Colombo既時後就係機場比租車司機招攪，佢出價50usd一日，聲稱你鍾意點用個司機就點用，行程都係你安排，但最後我地用左60usd租，因為50usd淨係坐到4個人，60蚊就租到架van坐9個人都得，架車大啲都幾舒服既，咁我地就租左5日先，佢話之後加日就自己同個司機講。我地約左佢8點係樓下等，係個時髦年輕人，我地就話去Adam’s Peak先啦，本來就想去多兩個地方先，但個司機就唔肯，又話遠又話之後會去，咁都無計聽佢講啦，本來諗住包車可以去睇多啲野啦，但係都無乜，唔知點解成日覺得司機好古惑咁。Anyway，第一日就用左係去Adam’s Peak山腳dalhousie，如果唔包車就可以坐火車轉巴士，路途其實唔太長，不過山路難行同無高速公路，離開左Colombo之後都係泥爛路，好癲坡，中間停左一陣大概兩點左右到左住既地方White house Adam’s Peak，算係一間比較貴既hostel，120兩間房兩晚，本來諗住留係度兩日既，不過都除左行山附近都無咩行，所以都唔勉強多留一日，因為係淡季，佢比多左一間房比我地，間房唔大不過有露台，勝在walking distant就到起點。
到左之後就係hostel食lunch，因為附近其係一條小村莊，附近又無咩餐廳，係淡季所以無咩人，食完野之後就去左行少少山，為左第二朝去探路，我地行到去個白塔就留返第二日先行，因為都就黎天黑了。
Suspension Bridge
去Dalhousie之前司樓帶我地行左條吊橋，都幾高同幾驚，要來回行，天氣都麻麻地，依度附近係玩激流既地方，但係水睇落好泥，更衣既地方又唔係咁乾淨，又無做好準備要濕水，所以都係唔玩為妙，行下條橋就算了。
(做了我地5日既司機)
Lunch at White House Adam’s Peak
叫左茶，錫蘭紅車都真係幾好飲，食左斯里蘭卡咖喱，pancake，家庭式煮食，送餐好慢，來到郊區空氣清新左好多。
Adam’s Peak
由hostel行出去一直行就會見到好多小檔同工人，啲工人好nice，會對我地微笑，係咁聽到where you from，where you from，佢地都趕緊工，因為12月尾就係peak season，好似有個full moon festival之後就會開始多人，因為啲人會行上山朝聖。遇到既小朋友都會想討錢或者討糖食，不過唔係啲好倡狂個啲，幾可愛。
洛路都係一啲廟，同埋開始見到茶園喇，雖然唔係好大不過都好靚啊，再行上啲都係一大片樹林同埋唔同既綠色，好靚既綠啊
再繼續行就會見到啲好似入口既地方，仍然見到好多人係度整路同修
路，
好出名既卧佛
行行下會見到adam’s peak，望落都好高啊，天氣時好時壞，行上少少就無哂整路的人，淨係聽到大自然既聲音，瀑布聲，鳥聲，好舒服既感覺
ONONTHEROAD 