到了Colombo第三日我地本來諗住去海邊走走，去左Galle Face諗住有野睇下同行下，點知其實都無咩野睇，係夜晚先有小食檔睇下，我地係Galle Face Hotel飲左杯咖啡影左下相講左句行程最尾個幾日就要黎住返晚舒服下。之後我地都唔知去邊，搵左個寺距離大約有7km，坐Uber大約700rupee，雖然得7km但係都坐左好耐因為都係泥路。
一落車就感覺到同市區非常唔同，個門面好大，我地一落車就有位阿伯走埋黎，我地以為佢係工作人員，比佢fake左，佢見我著短褲就偏哂嘴，係度話nonono，好彩我地帶左圍巾，佢搶住要幫我圍好，又帶我地入寺，到最後都係個招，就係問我地攞錢，求其用左幾十蚊打發左佢走，係一個好古怪既阿伯，不過佢都唔算好過份既。（圖下橙色裙就係個阿叔喇）
金色寺入面有好多壁畫，但係個阿叔係咁行得好快，個陣時以為係要有個guide跟住所以就行得好快，其實就係人都入得既。依度除左曬就係曬，但地下都唔係好熱所以赤腳都幾舒服的，好多人係樹下乘涼同埋修道(?) 唔係好肯定，有人係度念經亦有人係度訓覺。普遍既人都幾nice，即使係遊客黎觀光佢地都對我地露出微笑，除左人，依度最多既係貓，佢地真係會望住你，然後係度喵喵喵。行左個幾兩個鐘之後就去附近食野了，依度係鄉村地方，好多好地道既餐廳，我地搵左間有客人既，無冷氣，食炒飯，出期地好食呢，就係廟行一陣就到。
Don’s bakers
一個炒飯都係300rupee左右，仲要係好大碟！仲叫左noodle，以為係有湯，點知係炒米粉，不過都好好食！
ONONTHEROAD 