八合目池田館 3250m
我地係池田館休息左之後一行三人一點半兩點左右開始攻頂，著上羽絨同風褸開始出發，淨係帶左水，無帶食物，因為上去既跳程唔算遠，行左30-40mins就到了九合目既萬年雪山莊。
九合目 萬年雪山莊 3460米
行左210m喺度休息一會，傳說依度啲野食好好味，食左個牛肉飯1500yen，想要杯熱水，但只有住客先有得飲，食完野同燒完印就快快出發了。
九合五勺 胸突山莊 3590m
此時距離山頂仲有百幾米，行既時候都係黑媽媽，咩相都影唔到，雖然得百幾米但係依個部份都頗吃力，應該係因為太高同太凍，為左睇到日出，要加快腳部去山頂。
頂上富士館 淺間大社奧宮 3740m
上到去就係頂上富士館，同埋全日本最高既神社同郵局，個時都係4點左右，咩家未開，好凍但係，仲有幾十米先到日本最高點，一路再行上去就見到富士山口，同埋劍峰，太陽開始出緊，都見到月亮。
劍峰 3776m
個太陽出得好快，總算趕得切上去，見到對面山已經有好多人仔企左係度。
富士山火山口
劍峰和火山口
落山既時候先睇到個火山口，同時都仲有好多人上緊山頂，仲有雲海好大片。
回程到奧宮
頂上淺間大社出面同入面
我地本來四點幾就落山，不過為左燒印所以等到五點，之後就急急腳落山，因為山上面真係好凍。。。。。之後返到八合目就落山喇，好快就落到去，好跣同好斜，好彩有買金剛仗用下，行既時候見到有人支仗係滿哂燒印架。
途經胸突山莊同萬年雪山莊燒一燒印，天氣好好呢
ONONTHEROAD 