終於去到上富士山個一日喇，係東京有巴士直達富士宮市，車程比較平同埋無搭鐵路咁煩同埋車費平好多，而我地由名古屋個邊黎，中間經過左濱松，路程都唔算太攰。我地咁岩揀左開山第一日登山，我係食早餐之前就仆左去買巴士飛，架巴士係富士急靜岡巴士(可以上佢地個網睇下http://www.shizuokabus.co.jp/foreigner/zh/index.html) 富士山富士宮口五合目，驚無位嘛，同埋岩岩開山所以巴士都無咁密，所以我地搭九點既車，之後係酒店食完早餐就去等巴士了，架巴士係遲左少少架。
我地等左巴士一陣啦，上左車之後就以為直接上到五合目，因為時間都唔早喇，要差唔多一個鐘到起點，點知！！！架巴士車左我地去淺間大社，原來個日係第一日開山，佢地有活動，最主要係幫我地祈福，因為我地係開山第一班坐巴士登富士山既人〈一番，登山者等安全祈願〉，要睇〈開山儀式〉，仲有人有少少演講。
首先，我地落車比電視台既人圍住，有攝影機，我諗我地有上到本地電視。。。之後見到好多市民係度望住我地，好鼓勵我地，之後就係儀式開始，有日本人係大鳥居下面，仲有大隻佬抬個條大金剛仗，之後我返上車，有個類似法師既人係度對住架車做儀式，希望我地安全等等，而我地就係車上面睇住佢做，最後佢地做完儀式，送左紀念品比我地（有白色個條帶同埋一啲糖），差不多十點幾，我地終於再次出發，比預期中遲左上山，所以當時都幾心急，因為好想快啲起行。
富士宮巴士站
淺間大社
ONONTHEROAD 