上午去完烈嶼，就回金門本島，先去食個lunch，之後就去建功嶼，去建功嶼一定要留意潮汐時間，一日得唔係好時間可以去到，仲要撞正日落就更加難得，日落去嘅時侯無咁熱，幾好玩！有一樣要留意嘅係好多餐廳都收好早，7-8點開始就無咩野食！
模範街 – 可以話係手信街，搶眼嘅紅磚，餐廳之類都喺哂度，唔知係咪我地去嗰時係淡季？條街都無咩人，不過嗰時已經係七月嘅暑假，好熱，食完飯就返去休息下
建功嶼 – 我地嘅民宿就喺入口嘅附近，等到潮退嗰時，有條路可以行到去小島上面，個島唔係好大，面積大約500平方公尺，上面有個鄭成功像，我覺得係必去嘅景點！一定要留意潮退時間，官方一日得一個鐘建議上島時間！行到過去嗰時，有牡蠣人裝置藝術，遠睇好似好細，但其實好大。
慈湖落日觀海平台 – 去完建功嶼勁熱，之後差唔多去睇日落，去遠少少嘅慈湖，雖然嗰日大帽，但都唔錯
慈湖三角堡 – 去慈湖順便睇埋坦克車
古寧頭戰士館 – 順便去埋，我地都去得好晏，不過都維修中，開始入黑望下就走左，但有好多孔雀喺度飛
ONONTHEROAD 