原來唔記得左寫金門，有時真係去完要即刻寫，如果唔係就會唔記得，我地去左三日兩夜，時間其實唔係好多，因為搭兩點嘅船去，兩點嘅船返廈門，而我地住吉美民宿，都幾乾淨，金門感覺幾好，幾樸素，有7-11等等嘅店，一落船民宿老闆黎接，係一個幾nice同熱情嘅人，而且係佢度租埋車，佢好隨和！雖然架車都舊舊地，TWD1300一日，但係都有好處，佢話少少花都唔緊要，雖然我地都無整花，同埋本身架車都係花哂，所以揸起上黎無咁大壓力。金門嘅交通，如果自駕當然係最好，因為又大，又無咩車，對於第一次揸左軚嘅我，係一次好好嘅實習。到達第一日我地都係喺金城呢邊環島，第二日先行金門大橋去烈嶼，總括黎講，黎金門係好舒服，因為無過多嘅遊客，好多地方都無咩人！
莒光樓 – 入面就好似一個小型博物館，免費參觀，仲可以上二樓，睇到金城嘅景色
路邊看海
馬山三角堡，又叫無敵堡，距離廈門角嶼只有2公里遠，所以係一個重要嘅防禦據點，碉堡好搶眼，仲可以爬上去，係一個睇日落嘅地方
沙美老街，有啲人叫沙美摩洛哥，感覺有少少誇張左，只係有啲破屋係度，喺民居附近
浩氣長存紀念碑
之後就黎日落，趕唔切去睇日落，路邊見到就停低望下，可以望到建功嶼嘅鄭成功像，第二日先去！要潮退先可以行到過去！
ONONTHEROAD 