喺蘭嶼睇到靚嘅日落真係好易！如果你唔想行咁多，隨便喺碼頭都可以睇到好靚嘅日落～第一日我地落船食完飯，周圍逛下之後就係睇日落嘅時候，第一個地方係青青草原，係下午食壽司嗰時嘅本地人介紹，都係好出名嘅青青草原，不過要早一出發，如果唔係就會好似我地咁，要跑，如果日落係6點半，我建議你5點就要去到，因為到左之後都要行一段路，預多啲時間都唔會趕唔切啦！
青青草原
前往蘭嶼青青草原可以沿住環島公路往東走，就可以到達入口，一路沿住石路，就可以行到山邊，建議早啲到達開始行，至少要早過日落一個鐘，一路行可以見到老人岩、擱淺貨輪Blue Lagoon、小蘭嶼等等嘅景點，沿途仲有好多羊咩咩。我地到入口嗰時已經晏左，同埋多雲，所以睇嗰到日落，不過風景都好靚！
沿途見到小蘭嶼
Blue Lagoon – 舊年擱淺嘅貨船，一直都因為技術問題而移除唔到，聽島民講，船公司未放棄，所以有機會第時會無左！
一路行一路就會見到海灣同老人岩，雖然唔知點解叫老人岩
老人岩和小蘭嶼
ONONTHEROAD 