去完Loch Lomond個plan本來就係去Glencoe，一路天氣都係陰陰地，不過都見到好多山，直頭係山中間揸車，但係我地路過既時候都就天黑喇（因為個間超慢既餐廳囉。。。），決定住係Glencoe過少少近Fort William一晚然後第二日再返去Glencoe睇下。不過我地都好不幸，夜晚就開始落雨，第二日依一區: Glencoe, Fort William到尼斯湖Skye都係陰天雨天，我地放棄左依一part，繼續本來無打算去既北邊。
好可惜只係路過Glencoe，不過冬天黎英國就係要睇天氣做人，依度唔好天，就搵一個好天既地方去，日照短，就要早啲起身，珍惜僅有既日光時間，因為今日見到既野，聽日就未必可以再見到。
夜晚去左Fort William食野，車程大約半個鐘，休息一陣，又係去酒吧睇波既時候，係英國，無論去到幾鄉郊，都唔會無得睇波，啤酒都唔會好貴，幾pound一杯
Aos Si Lodges
係Glencoe既住宿都唔平呀，起碼hkd800一既，我地揀左間唔差既，係一間大屋，但我地個房就係屋後面，唔係主屋，雖然入唔到去間大屋，但係好處就係好靜，住左好幾日人地屋企既bnb，住下酒店式既會舒服啲，做咩都唔會嘈到人呀嘛，依間就勝在真係好似酒店，除左check in個時見到個host/staff，其他時間都唔會見到，我地鍾意佢既超大床同埋超大浴缸，架車都可以泊正係門口。
早餐
係周圍都搵唔到早餐架，搵左好耐，我地九點去，唔係未開門，就係因為新年唔開，但有間Isle of Glencoe睇落都係五星級酒店咁款，我地去到都係九點三十五分，佢就話早餐只係做到九點半，嬲左，之後搵到唯一一間開既，不過就唔太好食，anyway啦，趕住醫好個肚就出發。
我地見咁難搵到餐廳，就算搵到都浪費左好多時間，就係超市入左貨先出發，依日個plan就係上再北既Inverness，途中會經過Loch Ness。買左三pound一排既益力多。。
Bridge of Oich
因為天氣唔好，所以無話要去啲咩地方，主要目的就係遠離陰天，只要唔落下就係景點，由Glencoe揸左一個鐘左右就見到第一個景點，係尼斯湖底附近。
Fort Augustus
不知不覺就去左尼斯湖喇，完全無諗過黎，因為係個太熱門既地方，又無咩特別野睇，不過路過就落黎行左一陣，好快就走左，太多人喇連湖邊都無去到。
ONONTHEROAD 