Mirissa 另外一個活動就係賞鯨喇，其實我地都不太熱衷，但因為Mirissa無咩好做咁就去睇下喇，以為出海好好玩嘛，司機幫我地join，間公司係Mirissa Whale Explorers，佢就話6000lkr，其實我就覺得係5000咋，佢就食左1000，因為上船個時好似睇到其他人淨係收左5000咋。。。我地6點就上船喇，但係等到成7點3架船先開喎，已經覺得好離譜啦，隻船係兩層個啲，唔算大都唔算行得慢既。上左船成個幾鐘先開船啦。。。。。
開左船揸左起碼成個鐘去左好遠終於見到有類似鯨魚既野出現，係好大群既，但係四圍都有船圍住佢地，咁大家都幾滿意依個結果既，但係睇到魚個時佢係唔想全船人企起身，可能驚反艇掛，不過是但啦坐係度都睇到。
但係！但係！重點就黎喇，睇完依群鯨之後大約10點幾11點就忽然間有條友係度同大家講野喇，就話 我地知道邊度有藍鯨睇呀，但係要揸多兩個半鐘先到喎，然後要多三個半鐘先返到去Mirissa呀，咁你地去唔去呀？如果唔去我要大家同意喎，費時你地返到去會投訴啦。當佢地咁樣講個時已經知佢咁講係大我地啦，其實好多人都明既，不過係有幾個人真係信佢地可以去睇到所以就話去囉無問題，佢地好似係中國人黎既。
其實我地都無咩mood要再去睇啦因為已經由睇完到個一刻係個海度飄左成九個字呀大佬，好想快啲走啦其實因為下午仲要去其他地方呀嘛。當有大部分人，好多都係外國人等到唔耐煩既時候佢都仲要唔肯返去，就咁就嘥左起碼九個字到一個鐘啦，然後總之勁奇怪又搞到我地過哂check out time啦，總之今次就好嬲喇，其實睇唔到咪睇唔到囉，做咩係度做場大龍鳳姐。
睇到鯨魚佢地就話係killer whale喇，但係我地現場睇都覺得唔係因為好細條既，而支鰭都唔係平時見到咁既，我覺得就係海豚黎。不過anyway，好過咩都睇唔到。
Mirissa上船既碼頭
唔係好大既船同埋都坐得幾滿
等左好耐終於出發
看到很多唔知係鯨定係海豚，真係好多
ONONTHEROAD 