#onongelo
網上寫Duncansby Head係真正嘅英國最北端，距離Dunnet Head只有4km，我覺得無論邊一個係真嘅最北端，都好值得去睇一下，反正都黎到咁遠，最後去埋John O’Groats就完美喇，係去Wick前必去嘅地方。去Duncansby除左睇燈塔，仲要行去睇Duncansby Stacks，Caithness係Wick依邊以前既稱呼，最近有新聞話巨石陣嘅石頭係黎自依一度！
嗰度有停車場但唔算大，好彩去到都有位，超大風同埋毛毛雨，行去Stacks有一段距離，時晴時雨，一去到就見到燈塔，如果平時有喺香港揸開車，泊車唔會有太大問題。去到時天氣唔錯，見到Oakney Islands，去呢個島可以喺John搭船，後悔難得黎到無去到！不過應該會大浪到想嘔，哈哈。仲見到Pentland Skerries Lighthouse，Google話係軍事基地。 燈塔行少少會行到懸崖邊。
Continue reading “Scotland NC500 蘇格蘭自駕 | Duncansby Head 鄧肯斯比岬”
通常NC500行程都會係沿住Smoo Cave＋Dunnet Head一路去到Wick嗰邊，但我地分左兩日，因為已經book唔到喺Dunness 或者Thurso附近啲住宿喇，咁樣行程更加輕鬆，因為喺咁凍嘅地方咁chur都好易好攰。去Dunnet Head途中再度拜訪Cocoa Mountain，因為呢度應該係最好嘅咖啡店。
本身諗住順便去埋Strathy Point 嗰邊嘅方向，但係中途有高地牛係路中心所以無去到，一路向Dunnet Head。蘇格蘭天氣好難預測，朝早好似天氣好差，轉個頭又好好天，啲路越黎越少車，亦都整得好好，但都係單程路，全程做得最多嘅手勢就係唔該大家讓車嘅手勢。整體黎講都揸得好舒服。經過好多沙灘，都有人落去行，又大風又大浪。
Continue reading “Scotland NC500 蘇格蘭自駕 | Dunnet Head 英國本島最北端鄧尼特岬”
由Ullapool上去北邊，我地住喺一間喺Rhiconich附近Oldshoremore嘅屋，附近嘅景點有 Oldshoremore Beach，比較荒蕪嘅地方，因為喺Applecross或者Ullapool已經無咩住宿，但如果直接去Durness住又太遠，唯有住喺當時最後既選擇，喺度留左三日兩夜，呢度比較本地人住既地方，人煙稀少好舒服，但要注意既係去到依個位已經無超市同好大型既商店，所以我地喺Ullapool去左Tesco Superstore入左貨先去，買定三日既食物，同埋喺Ullapool唯一一間油站入埋油，無記錯油價係$145左右，但北上之後啲油都唔係話貴得離譜，所以唔洗擔心會入唔到油，只係留意返上面既油站同埋商店既營業時間，好多都好早收。
Continue reading “Scotland NC500 蘇格蘭自駕 | Smoo Cave, Durness”
今年暑假，除左去金門同台北，終於再次出發去英國，今次主要係想去NC500，姐係蘇格蘭北海岸公路，因為由係英格蘭都有地方想去，所以由倫敦出發，總共去左19日。NC500即係North Coast 500，500英里既一條公路，上一次去Scotland都只係去到Ullapool， 今次終於可以去到。我地由倫敦出發，經過英格蘭幾個地方，去到Inverness正式開始呢一段旅程，全個英國trip，總共揸左2000miles，3218km。
Continue reading “UK 英國自駕 | 蘇格蘭北海岸公路 | Scotland NC500 行程”
很舒服的城市，隨便走走都可以行左一日，典型英國城市，食pizza 飲咖啡，舒服的一天，仲見到拍電影，好多關於Harry Potter既店，又有好多賣cashmere頸巾既地方，四圍行下，睇下美術館就過左一日 Continue reading “蘇格蘭自駕 | Edinburgh City”
依一日我地決定去登山，因為每次旅行都要起碼爬一座山，今次我地揀左係Ullapool既Stac Pollaidh，行依度係因為座山只係距離我地前一晚住既Inverness一個幾鐘車，連埋休息，大概兩個鐘左右。上網睇相既時候覺得山形特別，612m都唔算好高，一開始都無諗過登頂，只係想起睇下座山。我地兩點開始行，其實有點遲喇因為冬天既英國三點幾四點就開始天黑，所以一路都無諗過行哂！ Continue reading “蘇格蘭行山 | 高地自駕 | Scotland | 在超大風的Stac Pollaidh行山”
去完Loch Lomond個plan本來就係去Glencoe，一路天氣都係陰陰地，不過都見到好多山，直頭係山中間揸車，但係我地路過既時候都就天黑喇（因為個間超慢既餐廳囉。。。），決定住係Glencoe過少少近Fort William一晚然後第二日再返去Glencoe睇下。不過我地都好不幸，夜晚就開始落雨，第二日依一區: Glencoe, Fort William到尼斯湖Skye都係陰天雨天，我地放棄左依一part，繼續本來無打算去既北邊。 Continue reading “蘇格蘭冬天| 高地自駕 | Scotland | 路過Glencoe和尼斯湖”
英國租車第二日就係經利物浦去北上蘇格蘭喇！我地經Gloucester去Liverpool車程三個鐘左右，計埋休息去廁所，差唔多三個幾鐘。係英國揸車真係一啲壓力都無，跟車唔貼，大家又好禮讓，不過要留意返車速，英國最快M既motorway只係可以行70mile，由London到Liverpool，都好多鏡頭，再北d就唔覺，我懷疑自己有比人影到相，路上會見到好多相機既sign，不過我就咁睇，好多人都揸得快過70mile好多，比人影左兩次相之後都唔敢揸咁快。 Continue reading “英國自駕 | Liverpool 利物浦”
ONONTHEROAD 