#onongelo
喺澎湖既第二日，我地join左七美、望安、虎井、桶盤四島既行程，包左兩架機車，架車係電動車，唔係綿羊集個種大機車，逗留喺七美、望安既時間會憶較長，我記得去到桶盤已經好攰喇，架船都淨係停半個鐘左右。隻船唔係好大，但未致於會暈船浪。差唔多8點出發，等齊人就開船，首先會去左七美先，由馬公出發大概一個鐘左右，會停留一個半鐘，因為個島大，所以電動車就係最好既選擇，環島一圈一個鐘內可以達成。幾個島都係無咩車，條路都係整得好好既公路，慢慢揸就可以喇。我地去既時候唔算好熱，陰陰地天。
Continue reading “台灣 | 澎湖跳島 | 七美”
幾年前去既澎湖，第一日由嘉義搭船去馬公港，到埗之後民宿幫手租左兩日車，因為澎湖本島都幾大，咁熱既天氣，都係租私家車好啲，租車公司就係民宿附近，第二日因為要出島，所以屋主仲幫我地還車。因為到埗食完飯其實都係中午，仲有好多時間環島。由馬公附近出發，去天后廟，一路沿住公路去到中屯嶼，一直經過北海經過跨海大橋，最後去到最遠既西島燈塔。由西嶼燈塔返馬公，慢慢揸一個小時左右。
Continue reading “台灣 | 澎湖 | 馬公景點”
除左去Hogwarts個走廊，我地仲去左第7集哈利同妙麗去Godric’s Hollow之前其中一個地方，位於North Yorkshire既Malham Cove，嗰日我地係離開Scotland去Liverpool既日子，Malham就剛剛係兩個地方中間，由Edingburgh過去大概四個鐘，好早出發，因為太早天黑喇，要預多少少時間行一陣，因為哈利去個度要行上一座小山。 Continue reading “英國自駕 | 哈利波特 Harry Potter | Malham Cove”
很舒服的城市，隨便走走都可以行左一日，典型英國城市，食pizza 飲咖啡，舒服的一天，仲見到拍電影，好多關於Harry Potter既店，又有好多賣cashmere頸巾既地方，四圍行下，睇下美術館就過左一日 Continue reading “蘇格蘭自駕 | Edinburgh City”
我地去左愛丁堡，第一時間又係登山喇，Arthur’s Seat 最高既山，只有186米，算係一個遊客必去既地方，因為可以睇到愛丁堡全景。Arthur’s Seat位於Holyrood Park，有好多入口，入左公園之後就會搵到步道既指示，有好多條山徑，最快40分鐘就到，最慢行幾個鐘都得，沿途可以見到懸崖峭壁、湖景、海邊、成個城市，對於唔係成日行山既人應該都會有少少難度，因為揀錯路既話就會去到好斜既路，而越高越大風，但係上到去就會覺得好值得。
Continue reading “蘇格蘭自駕 | Scotland | Edinburgh | Arthur’s Seat”
好耐無去旅行了，上星期趁新年假終於去左郊遊，去左大佛！大佛依期裝修緊，但都可以去行下，由東涌坐23號巴士出發，唔洗廿蚊，坐左40分鐘就到喇，無坐360因為覺得都幾貴(哭)，坐巴士都睇到好多風景既。好耐無去過大佛，對上一次黎昂平係上一次係鳳凰山行落黎，今次專登黎睇下裝修緊既佛，數碼化大佛都別有一留風味，因為可以十年先見到裝修緊既佛一次呀嘛，有幾何可以見到包到實既佛呀。山上好涼快，平日黎講都算多人，香港人真係悶(苦笑)。雖然大佛封住左，但都可以行上去平台度，平台個展覽廳都有開，以前細個見到好多人掉錢上去既銅像就唔再比人掉(可能好耐之前就唔比喇)，大佛左邊係鳳凰山，再左就係寶蓮寺，太陽好猛，有少少風，好舒服
North Kessock
經過尼斯湖之後黎到蘇格蘭最北城市Inverness，因為係Inverness住宿都幾full，所以揀左離Inverness廿分鐘車程既North Kessock，我地差不多全程都係住airbnb，依間屋好乾淨，屋主都好好人。當晚係city食完飯都夜喇，只係知道過條橋就係North Kessock，第二日起身好好天，原來係個海邊地區，因為新年期間，都無咩店有開，去左一間local咖啡店食早餐，一個奄列都夠兩個人食，仲可以一路睇日出一路食早餐！ Continue reading “蘇格蘭自駕 | Scotland | Inverness to Ullapool 沿途景點 | North Kessock, Rogie Falls”
依一日我地決定去登山，因為每次旅行都要起碼爬一座山，今次我地揀左係Ullapool既Stac Pollaidh，行依度係因為座山只係距離我地前一晚住既Inverness一個幾鐘車，連埋休息，大概兩個鐘左右。上網睇相既時候覺得山形特別，612m都唔算好高，一開始都無諗過登頂，只係想起睇下座山。我地兩點開始行，其實有點遲喇因為冬天既英國三點幾四點就開始天黑，所以一路都無諗過行哂！ Continue reading “蘇格蘭行山 | 高地自駕 | Scotland | 在超大風的Stac Pollaidh行山”
ONONTHEROAD 