#onongelo
去完RSPB Troup Head Nature Reserve睇完好多鳥，就去一小時車程嘅Newburgh，而Newburgh去Aberdeen只係半個鐘左右。我地下午去嘅時候陰天，都有啲擔心咩都睇唔到，但係估唔到真係有海豹同好多鳥。去到有一個大停車場，無記錯係3pound一個鐘，沿住路一直行就會去到沙灘，我估如果好天有太陽，海豹應該會走上崖曬太陽，喺海灘對面會有好多鴨仔嘅物體瞓哂喺度。
Continue reading “Scotland NC500 蘇格蘭自駕 | Newburgh Seal Beach 超可愛嘅海豹仔”
去完Wick之後開始南下直接去一個叫Banff嘅地方， 由Wick一直去差唔多三個幾鐘車，中途停Inverness食嘢同休息，之後一口氣落去Banff，點解會選擇Banff呢？因為由Wick直接去Aberdeen實在太遠，所以唯有停一停，當中喺Banff附近有兩個估唔到咁好嘅地方，係出乎意料之外嘅。呢個trip，其實行程唔算好豐富，因為都幾凍下，所以我地嘅策略係早起 -> 去一兩個景點 -> 休息食野 -> 去當晚住嘅地方，如果仲早嘅話就會去市入面行下，如果太晏嘅話就會去行超市夜晚煮飯，因為好附時都係自己煮，所以無咩好思鄉嘅感覺，去西方地方，最緊要係帶多兩包麵，如果太思鄉，可以去食越南Pho，呢邊嘅Pho都唔是太差嘅，勝在有啖湯飲下。
Continue reading “Scotland NC500 蘇格蘭自駕 | RSPB Troup Head Nature Reserve 好多鳥!!”
Grey Cairns of Camster 又或者喺Google上面嘅Camster Cairns距離Wick市大約二十分鐘，去完Whaligoe steps大約十五分鐘車程，係兩個5000年前石屋嘅遺址，可以話係蘇格蘭最古舊嘅建築物，宜家Grey Cairns of Camster係模擬返以前嘅樣子，得返極少部分係以前留落黎嘅，雖然唔係真跡，但係可以比人睇到古人生活嘅地方。圓圓地嘅建築物，有個好小嘅門口可以爬入去，雖然外面睇係好大，但入到去唔係好大，有一間有兩間房喺入面，係可以爬入去睇！依度後面係森林，無咩遊客，可以行得好舒服，天氣好可以野下餐，依個點除左風景，仲可以了解下蘇格蘭歷史，建議大家不仿爬入去睇下，都幾有趣！！
Continue reading “Scotland NC500 蘇格蘭自駕 | Wick 附近的 Grey Cairns of Camster”
距離Wick大約半個鐘車程，就可以去到Whaligoe Steps，依度係一個250feet深嘅懸崖，以前係一個港口，有365級嘅樓梯可以落去，黎到Scotland嘅日子大多數都係日頭陰天落雨，下晝就放晴，黎嘅時候仲早，所以都係落緊雨，落雨時去有少少危險，因為又高又跣，條樓梯好直，要慢慢行。Whaligoe係一個天然而成嘅港口，有兩面懸崖包住，以前會有漁船喺度埋岸，睇返歷史，漁船會喺度埋岸然後拎住漁獲行依幾百級樓梯上去，諗起都覺得有啲累呀，上左去仲要行7-8miles去賣，真係艱辛。慢慢行落去，好近個海，唔同之前喺山上面睇，如果好天，可以掂到啲海水呀，但我地去嗰日好大風大浪，都唔敢行咁出！
Continue reading “Scotland NC500 蘇格蘭自駕 | Wick 附近的Whaligoe Steps”
John o’Groats離Duncansby Head只有6分鐘路程，我覺得行完Duncansby之後去John食個Fish and chips都係一個好選擇，休息下再去下一個點，呢度算係一個遊客點，有好多紀念品買，又有餐廳同咖啡店，行陣睇下風景都好鬼休閑。如果去Orkney Islands就係依度搭船。泊車£3，依一晚我地去Wick住，大愛依個咁nice既城市！！！好後悔唔喺度stay多幾日！！！
Continue reading “Scotland NC500 蘇格蘭自駕 | 蘇格蘭最東北面小村落John o’Groats和最nice城市Wick”
網上寫Duncansby Head係真正嘅英國最北端，距離Dunnet Head只有4km，我覺得無論邊一個係真嘅最北端，都好值得去睇一下，反正都黎到咁遠，最後去埋John O’Groats就完美喇，係去Wick前必去嘅地方。去Duncansby除左睇燈塔，仲要行去睇Duncansby Stacks，Caithness係Wick依邊以前既稱呼，最近有新聞話巨石陣嘅石頭係黎自依一度！
嗰度有停車場但唔算大，好彩去到都有位，超大風同埋毛毛雨，行去Stacks有一段距離，時晴時雨，一去到就見到燈塔，如果平時有喺香港揸開車，泊車唔會有太大問題。去到時天氣唔錯，見到Oakney Islands，去呢個島可以喺John搭船，後悔難得黎到無去到！不過應該會大浪到想嘔，哈哈。仲見到Pentland Skerries Lighthouse，Google話係軍事基地。 燈塔行少少會行到懸崖邊。
Continue reading “Scotland NC500 蘇格蘭自駕 | Duncansby Head 鄧肯斯比岬”
通常NC500行程都會係沿住Smoo Cave＋Dunnet Head一路去到Wick嗰邊，但我地分左兩日，因為已經book唔到喺Dunness 或者Thurso附近啲住宿喇，咁樣行程更加輕鬆，因為喺咁凍嘅地方咁chur都好易好攰。去Dunnet Head途中再度拜訪Cocoa Mountain，因為呢度應該係最好嘅咖啡店。
本身諗住順便去埋Strathy Point 嗰邊嘅方向，但係中途有高地牛係路中心所以無去到，一路向Dunnet Head。蘇格蘭天氣好難預測，朝早好似天氣好差，轉個頭又好好天，啲路越黎越少車，亦都整得好好，但都係單程路，全程做得最多嘅手勢就係唔該大家讓車嘅手勢。整體黎講都揸得好舒服。經過好多沙灘，都有人落去行，又大風又大浪。
Continue reading “Scotland NC500 蘇格蘭自駕 | Dunnet Head 英國本島最北端鄧尼特岬”
去過Scotland兩次，兩次都比較喜歡Glasgow，Glasgow係Scotland最大嘅城市，我覺得依度自駕講都唔算難，景點附近好多停車場或者咪錶位，如果搭車都有地鐵可以揀，我地留左係度三日兩夜，住宿唔貴之餘仲好新好乾淨，因為我地有揸車，所以無住喺市入面，住左喺River Clyde附近既新apartment Glasgow Harbour Terrences， 有私人停車場提供。佳德河係Scotland主要嘅河流之一，亦都係第三長嘅河，夜晚落去可以睇到河景，附近感覺都好安全，一行落街會見到對面好大嘅造船廠。留喺度嘅三日，用左一日去explore依個地方，如果有時間可以留多幾日chill下，入城嘅一日我地去左：University of Glasgow 格拉斯哥大學 > Kelvingrove Art Gallery and Museum 凱文葛羅夫藝術博物館 > The Glasgow Necropolis 格拉斯哥大墓地 > Glasgow Cathedral 格拉斯哥大教堂 > Gallery of Modern Art 格拉斯哥現代藝術美術館 George Square 喬治廣場 > Glasgow Botanic Gardens 格拉斯哥植物園 （以上景點全部免費）
Continue reading “蘇格蘭自駕 | Scotland | Glasgow 格拉斯哥”
ONONTHEROAD 