幾年前去既澎湖，第一日由嘉義搭船去馬公港，到埗之後民宿幫手租左兩日車，因為澎湖本島都幾大，咁熱既天氣，都係租私家車好啲，租車公司就係民宿附近，第二日因為要出島，所以屋主仲幫我地還車。因為到埗食完飯其實都係中午，仲有好多時間環島。由馬公附近出發，去天后廟，一路沿住公路去到中屯嶼，一直經過北海經過跨海大橋，最後去到最遠既西島燈塔。由西嶼燈塔返馬公，慢慢揸一個小時左右。

我地終於去澎湖喇！因為台灣本島好多地方都去左，今次搞搞新意思，去外島，我地只係留五晚係台灣，留三日兩夜係澎湖，所以到台第二日就要搭船過去，本身如果搭飛機可以由松山機場直接飛去就會慳返好多時間，但係我地太遲訂啦，只有唔靚時間既飛機，所以唯有搭船喇，我地都唔想搭太耐船，就係嘉義搭船去，搭船加高鐵同搭飛機差唔多價錢，但係就可以中午就到達澎湖。下次一定要早啲訂機票，就會無咁頻撲。 Continue reading “Taiwan | Penghu | 澎湖交通、租車、住宿” →