#onongelo
之前講過依一次去台灣嘅重點係蘭嶼，但係因為去之前幾日打電話去租車，佢地似乎唔想租車比香港人，因為「意外太多」，而蘭嶼都無電動車可以租（電動車同機車唔同，係類似機車但唔係機車，速度都無咁快，貴少少但感覺安全點，之前去綠島都租過！），所以臨時轉軚，雖然訂咗住宿同船票，不過唔緊要啦，計畫趕不上變化嘛！由恆春出發去小琉球，好彩恆春去東港都唔係好遠，計埋塞車一個鐘左右！包左車去東港搭船 TWD2000，推介大家如果有時間可以留一晚！有台灣最平最新鮮（好似係）嘅魚市場。 由東港去小琉球有好多船班，因為有幾間公司，我覺得搭邊一間都無所謂，你去到幾點就搭邊班就會最邊便，喺碼頭有啲阿婆會向你兜售船飛，我地就搭左泰富輪船TWD230來回，20-30分鐘就到喇，好適合會暈船嘅人。
Continue reading “Taiwan 台灣 | 小琉球兩日一夜 (上集)”
因為工作既原因，所以先有機會去到鴨洲咁遠既一個小島，由於地理位置既不便，如果假日既話就可以喺馬料水搭渡輪，大約兩小時既船程。而平日就無咩船可以去到，所以我地就唯有包船，通常租船都會係快艇，起點有大尾篤、三門仔、馬料水、西貢黃石碼頭都有，三門仔同埋大尾篤船程25-30分鐘就到達，其他地方出發都會耐15分鐘左右。除左依幾個地方，如果有沙頭角禁區紙既話就快好多，快艇好似10分鐘(?)如果我無聽錯船家講，總之就係快好多，同埋平好多，$700蚊左右。而我地今次就喺大尾篤出發，去鴨洲同吉澳$2500，船家會係度等我地，時間都無限幾點走，佢話總之唔好天黑就得喇，我地10點出發，差唔多10點30就到左鴨洲，船唔算顛簸，但因為係快艇，唔係好大既船，無咩遮掩所以會覺得隻船好快好大風。。好刺激，有時會覺得就黎跌落船咁 :- > 全程揸住個扶手，所以無咩影到相
Continue reading “Hong Kong | Ap Chau | 香港最邊邊的島嶼鴨洲”
ONONTHEROAD 