#onongelo
通常NC500行程都會係沿住Smoo Cave＋Dunnet Head一路去到Wick嗰邊，但我地分左兩日，因為已經book唔到喺Dunness 或者Thurso附近啲住宿喇，咁樣行程更加輕鬆，因為喺咁凍嘅地方咁chur都好易好攰。去Dunnet Head途中再度拜訪Cocoa Mountain，因為呢度應該係最好嘅咖啡店。
本身諗住順便去埋Strathy Point 嗰邊嘅方向，但係中途有高地牛係路中心所以無去到，一路向Dunnet Head。蘇格蘭天氣好難預測，朝早好似天氣好差，轉個頭又好好天，啲路越黎越少車，亦都整得好好，但都係單程路，全程做得最多嘅手勢就係唔該大家讓車嘅手勢。整體黎講都揸得好舒服。經過好多沙灘，都有人落去行，又大風又大浪。
Continue reading “Scotland NC500 蘇格蘭自駕 | Dunnet Head 英國本島最北端鄧尼特岬”
去過Scotland兩次，兩次都比較喜歡Glasgow，Glasgow係Scotland最大嘅城市，我覺得依度自駕講都唔算難，景點附近好多停車場或者咪錶位，如果搭車都有地鐵可以揀，我地留左係度三日兩夜，住宿唔貴之餘仲好新好乾淨，因為我地有揸車，所以無住喺市入面，住左喺River Clyde附近既新apartment Glasgow Harbour Terrences， 有私人停車場提供。佳德河係Scotland主要嘅河流之一，亦都係第三長嘅河，夜晚落去可以睇到河景，附近感覺都好安全，一行落街會見到對面好大嘅造船廠。留喺度嘅三日，用左一日去explore依個地方，如果有時間可以留多幾日chill下，入城嘅一日我地去左：University of Glasgow 格拉斯哥大學 > Kelvingrove Art Gallery and Museum 凱文葛羅夫藝術博物館 > The Glasgow Necropolis 格拉斯哥大墓地 > Glasgow Cathedral 格拉斯哥大教堂 > Gallery of Modern Art 格拉斯哥現代藝術美術館 George Square 喬治廣場 > Glasgow Botanic Gardens 格拉斯哥植物園 （以上景點全部免費）
Continue reading “蘇格蘭自駕 | Scotland | Glasgow 格拉斯哥”
由Ullapool上去北邊，我地住喺一間喺Rhiconich附近Oldshoremore嘅屋，附近嘅景點有 Oldshoremore Beach，比較荒蕪嘅地方，因為喺Applecross或者Ullapool已經無咩住宿，但如果直接去Durness住又太遠，唯有住喺當時最後既選擇，喺度留左三日兩夜，呢度比較本地人住既地方，人煙稀少好舒服，但要注意既係去到依個位已經無超市同好大型既商店，所以我地喺Ullapool去左Tesco Superstore入左貨先去，買定三日既食物，同埋喺Ullapool唯一一間油站入埋油，無記錯油價係$145左右，但北上之後啲油都唔係話貴得離譜，所以唔洗擔心會入唔到油，只係留意返上面既油站同埋商店既營業時間，好多都好早收。
Continue reading “Scotland NC500 蘇格蘭自駕 | Smoo Cave, Durness”
去完Pena Palace同摩爾人城堡就可以去Cabo da Roca，歐洲最西面，由城堡要搭返巴士去Sintra火車站再轉403巴士去，大概四十分鐘就到。羅卡角除左大風就係大風，大風到可以吹走個人。早上去完幾個景點來依度就岩岩好，因為可以係度睇埋日落。 Continue reading “Lisbon to Sintra | 里斯本到Sintra一日遊 – 羅卡角 Cabo da Roca”
入Pena Palace既門票包左Park既門票，所以唔好浪費，個公園好大，我地揀左行去最高點Cruz Alta有529m，路上都係整得好好既路，所以都唔算辛苦，行左無兩個鐘，上到去十字架會望到Pena Palace，大樹林立好多遮蔭所以有太陽都唔會好熱。 Continue reading “Lisbon to Sintra | 里斯本到Sintra一日遊 – Pena Park”
由Pena Palace去Castelo dos Mouros只係幾分鐘路程，同樣係434號巴士，如果咁岩有車既話就好快，行路都只係十幾分鐘左右，摩爾人城堡有啲似長城既迷你版，位於Sintra山上面所以可以離遠望到Pena Palace。2017年入場費係€8。 Continue reading “Lisbon to Sintra | 里斯本到Sintra一日遊 – 摩爾人城堡 Castelo dos Mouros”
Pena Palace 比一個公園包圍住，搭巴士到達入口買左飛再要行少少山先到個宮，因為佢座落係個山頂上面，係依邊既入口可以直接買埋其他景點既門票，依度我地順便買埋摩爾人城堡，Pena Palace 可以揀淨係入 Park 唔入 Palace，其實淨係入Park €7.5 已經好多野睇，可以去宮既外圍，不過難得黎到，比多少少睇下入面 €14。摩爾人城堡就 €8，都幾好睇，如果有更多時間就仲好，可以慢慢行。 Continue reading “Lisbon to Sintra | 里斯本到Sintra一日遊 – Pena Palace”
去左Lisbon之後一日決定去遠少少既Sintra，小小既城鎮有幾個幾有趣既景點，搭大概40分鐘既火車，再轉巴士去唔同既景點。由Lisbon去Sintra既火車由Rossio火車站開出，喺火車站有賣一日交通券，€15.5，包括一張VIVA card (€0.5類似八達通) 同埋來回既火車同埋鎮入面既巴士，我地去左Pena Palace, Castle of the Moors (摩爾人城堡), 同埋最想去既 Cabo da Roca (羅卡角)，所以買一日券係抵左既。
ONONTHEROAD 