Aberdeen係一個幾靚嘅城市，白色嘅建築，但係因為airbnb揀左個唔係幾好嘅屋，間屋喺一條小巷子，樓下有啲醉酒佬晏晝就喺度徘徊，所以感覺好似有啲離咁，嗰條小巷叫Adelphi Lane，絕對係唔會建議大家去住，而間屋又細又唔乾淨，如果揸車去，係唔會想泊架車喺嗰度，喺嗰一條行如果轉出黎係一條大街，而一轉左就係bus gate，一定要越過兩條線cut去對面先可以，喺第一次搵條街嘅時候，見唔到個入口，所以pass左bus gate，即刻比人影相，咁就罰左60pound啦，而罰單會寄去租車公司，會扣50pound手續費，當日係即刻無哂mood因為唔知係咪要罰錢，發現到bus gate之後，去完街決定泊喺Union Square嘅停車場，一晚都係12pound，安全好多！因為依件事同住嘅地方，無喺Aberdeen好盡興，第二日早早離開，去另一度！！首先我地去左離Aberdeen半小時車程嘅Stonehaven，嗰度有一個War Memorial喺小山坡，可以鳥瞰Stonehaven City，離入口附近嘅停車位得幾個，如果無位就要泊遠少少，上到山可以望到Dunnottar Castle。