我地去左一個位於West Yorkshire 叫Halifax嘅小鎮，如果唔係探朋友，應該唔會認識到依個地方，Halifax距離Manchester 1.15小時、Leeds 45分鐘，雖然唔係好出名，但都有唔少野睇，陪下朋友，三日兩夜。如果講係依度最出名嘅應該係Ed Sheeran嘅出生地，但唔係佢長大嘅地方。我地由Edinburgh揸到Halifax大約四個幾鐘，中途有停下休息，然後Google帶我地行左條小路，係山路。。但個景好靚，仲經過左山上一個淡山湖，同返朋友講，佢話我地傻傻地！Halifax以前羊毛製造業的中心地區，所以有好出名嘅Piece Hall，宜家成為類似PMQ嘅地方，不過就大好多。仲有Town Hall，教堂等等嘅地方都可以去睇，好古舊又好靚！全部景點都係由Piece Hall出發可以步行到。