墾丁，離恆春其實只係半個鐘嘅車程，去各個景點都係十分鐘內， 但係如果搭公車嘅話就無咁方便，一行五人，又唔想自己揸車，所以就包左八個鐘車，TWD3500/8H。今次都係前一日問瘋XX，黎左一個女司機，我覺得佢一般啦，感覺麻麻地因為佢帶左我地去佢帶得抽水嘅地方，當中去左個餐廳，嫌我地叫得少野之類，又唔算好食，所以感覺唔太良好。
Continue reading “Taiwan 台灣 | 墾丁包車一日遊”Taiwan 台灣 | 墾丁包車一日遊
Category: Asia
Taiwan 台灣 | 恆春古城周邊
因為五個人，所以由高雄包車去恆春都唔算太貴，台幣2200就可以啦，車程大概兩個鐘，本身打算係恆春住三日兩夜，第三日就搭船去蘭嶼，去完蘭嶼就再喺恆春住一日，但因為無去到蘭嶼所以將訂好左既嗰一既轉早左，變相住左喺恆春四日三夜。第一日落到恆春都係喺個城入面行下，民宿行過去大約十幾分鐘左右，都唔太推介住依一間，因為有一日佢入房，check到毛巾擺左地下整污糟左要賠錢。恆春既感覺好似80年代咁，所有野都好懷舊，一星期一次既夜市都好有懷舊感，都幾有趣，帶好舊既機動遊戲同埋撈金魚。同一日朋友帶左我地去萬里桐，係一個玩水既地方，但嗰日好多人同埋都幾大浪，啲人都無出到好遠
Continue reading “Taiwan 台灣 | 恆春古城周邊”Taiwan 台灣 | 高雄恆春恆春墾丁東港小琉球阿里山 14日行程 搭車包車洗費
經過左幾件疫情終於去左台灣，今次本來既重點係去蘭嶼，所以一行五人由香港飛高雄，中華航空港幣二千一個人左右，但好可惜因為種種因素，就算訂左船飛同民宿都無去左蘭嶼。唔知點解今次黎台灣感覺無以前咁愉快，去到小琉球阿里山先有舒服啲既感覺
Continue reading “Taiwan 台灣 | 高雄恆春恆春墾丁東港小琉球阿里山 14日行程 搭車包車洗費”台灣 | 澎湖跳島 | 七美
喺澎湖既第二日，我地join左七美、望安、虎井、桶盤四島既行程，包左兩架機車，架車係電動車，唔係綿羊集個種大機車，逗留喺七美、望安既時間會憶較長，我記得去到桶盤已經好攰喇，架船都淨係停半個鐘左右。隻船唔係好大，但未致於會暈船浪。差唔多8點出發，等齊人就開船，首先會去左七美先，由馬公出發大概一個鐘左右，會停留一個半鐘，因為個島大，所以電動車就係最好既選擇，環島一圈一個鐘內可以達成。幾個島都係無咩車，條路都係整得好好既公路，慢慢揸就可以喇。我地去既時候唔算好熱，陰陰地天。
Continue reading “台灣 | 澎湖跳島 | 七美”台灣 | 澎湖 | 馬公景點
幾年前去既澎湖，第一日由嘉義搭船去馬公港，到埗之後民宿幫手租左兩日車，因為澎湖本島都幾大，咁熱既天氣，都係租私家車好啲，租車公司就係民宿附近，第二日因為要出島，所以屋主仲幫我地還車。因為到埗食完飯其實都係中午，仲有好多時間環島。由馬公附近出發，去天后廟，一路沿住公路去到中屯嶼，一直經過北海經過跨海大橋，最後去到最遠既西島燈塔。由西嶼燈塔返馬公，慢慢揸一個小時左右。
Continue reading “台灣 | 澎湖 | 馬公景點”Hong Kong | Ap Chau | 香港最邊邊的島嶼鴨洲
因為工作既原因，所以先有機會去到鴨洲咁遠既一個小島，由於地理位置既不便，如果假日既話就可以喺馬料水搭渡輪，大約兩小時既船程。而平日就無咩船可以去到，所以我地就唯有包船，通常租船都會係快艇，起點有大尾篤、三門仔、馬料水、西貢黃石碼頭都有，三門仔同埋大尾篤船程25-30分鐘就到達，其他地方出發都會耐15分鐘左右。除左依幾個地方，如果有沙頭角禁區紙既話就快好多，快艇好似10分鐘(?)如果我無聽錯船家講，總之就係快好多，同埋平好多，$700蚊左右。而我地今次就喺大尾篤出發，去鴨洲同吉澳$2500，船家會係度等我地，時間都無限幾點走，佢話總之唔好天黑就得喇，我地10點出發，差唔多10點30就到左鴨洲，船唔算顛簸，但因為係快艇，唔係好大既船，無咩遮掩所以會覺得隻船好快好大風。。好刺激，有時會覺得就黎跌落船咁 :- > 全程揸住個扶手，所以無咩影到相
Continue reading “Hong Kong | Ap Chau | 香港最邊邊的島嶼鴨洲”Hong Kong | Big Buddha | 裝修中的天壇大佛
好耐無去旅行了，上星期趁新年假終於去左郊遊，去左大佛！大佛依期裝修緊，但都可以去行下，由東涌坐23號巴士出發，唔洗廿蚊，坐左40分鐘就到喇，無坐360因為覺得都幾貴(哭)，坐巴士都睇到好多風景既。好耐無去過大佛，對上一次黎昂平係上一次係鳳凰山行落黎，今次專登黎睇下裝修緊既佛，數碼化大佛都別有一留風味，因為可以十年先見到裝修緊既佛一次呀嘛，有幾何可以見到包到實既佛呀。山上好涼快，平日黎講都算多人，香港人真係悶(苦笑)。雖然大佛封住左，但都可以行上去平台度，平台個展覽廳都有開，以前細個見到好多人掉錢上去既銅像就唔再比人掉(可能好耐之前就唔比喇)，大佛左邊係鳳凰山，再左就係寶蓮寺，太陽好猛，有少少風，好舒服
Taiwan | Penghu | 澎湖交通、租車、住宿
我地終於去澎湖喇！因為台灣本島好多地方都去左，今次搞搞新意思，去外島，我地只係留五晚係台灣，留三日兩夜係澎湖，所以到台第二日就要搭船過去，本身如果搭飛機可以由松山機場直接飛去就會慳返好多時間，但係我地太遲訂啦，只有唔靚時間既飛機，所以唯有搭船喇，我地都唔想搭太耐船，就係嘉義搭船去，搭船加高鐵同搭飛機差唔多價錢，但係就可以中午就到達澎湖。下次一定要早啲訂機票，就會無咁頻撲。 Continue reading “Taiwan | Penghu | 澎湖交通、租車、住宿”
ONONTHEROAD 