因為工作既原因，所以先有機會去到鴨洲咁遠既一個小島，由於地理位置既不便，如果假日既話就可以喺馬料水搭渡輪，大約兩小時既船程。而平日就無咩船可以去到，所以我地就唯有包船，通常租船都會係快艇，起點有大尾篤、三門仔、馬料水、西貢黃石碼頭都有，三門仔同埋大尾篤船程25-30分鐘就到達，其他地方出發都會耐15分鐘左右。除左依幾個地方，如果有沙頭角禁區紙既話就快好多，快艇好似10分鐘(?)如果我無聽錯船家講，總之就係快好多，同埋平好多，$700蚊左右。而我地今次就喺大尾篤出發，去鴨洲同吉澳$2500，船家會係度等我地，時間都無限幾點走，佢話總之唔好天黑就得喇，我地10點出發，差唔多10點30就到左鴨洲，船唔算顛簸，但因為係快艇，唔係好大既船，無咩遮掩所以會覺得隻船好快好大風。。好刺激，有時會覺得就黎跌落船咁 :- > 全程揸住個扶手，所以無咩影到相

Continue reading “Hong Kong | Ap Chau | 香港最邊邊的島嶼鴨洲” →