第一次喺日本租車，去了Toyota rent a car，租左6日4千幾港幣，比其他租車公司貴左少少但勝在有得指定車款，租左2023年嘅Prius，混能車果然好慳油，入油淨係入左300港幣！好彩福岡機場唔係好遠，天神搭車都係廿幾分鐘，租車過程好快，但我嫌佢無乜講解你個plan包啲咩，要你問佢先講。影響不大嘅畢竟touch wood無出意外，我地個plan包ETC+全保。注意下架車有無咩花，因為個職員都唔係check得好清楚，佢收車時都無check得好清楚，佢仲話小花無唱問題，睇落幾易話為。
攞左車之後直接出發南藏院大約半個鐘，算係幾近，去完之後再去九州最大嘅outlet，THE OUTLETS KITAKYUSHU，南藏院去一個鐘。南藏院有世界最大嘅青銅卧佛，離遠睇已經覺得好壯觀。去到南藏院附近都有免費停車場可以泊車，食少少野再去行。我地泊喺車站出面嘅車場，注意有一個係付費停車場，入少少先係免費。
食完野，行少少就會到南藏院出面，過條橋可以望返車站嗰邊
未行上去已經感覺到佢好大！行上去唔算好辛苦，天氣又唔熱，上到去之後唔洗再上，沿路就可以行返落去車站嗰邊
ONONTHEROAD 