過左8年，終於再去日本，今次香港飛福岡總共八日，重點行程係去阿蘇火山，留左兩日喺福岡，之後就出發去火山方向。我地到埗之後第二日租車，本身諗住第四日先去火山，雖然訂好哂住宿，不過睇天氣報告，第四五日都唔會有好天，所以急急腳第三日就即刻去！由福岡出發，中途為左豉油去左日田依個小市，如果有多啲時間，依度都幾多野行！日田醬油，一定要買好好味嘅豉油同麵豉，價錢麵唔貴，如果唔經日田，而經熊本去阿蘇，會快半個鐘左右。之後就一口氣去阿蘇啦，我地去到草千里，都已經4點幾，為左去廁所，入左停車場，入一次要500yen，感覺唔係好抵，喺轉落去草千里之前會有個小型parking，唔收錢但係要行多幾步路。去完廁所即刻上山，本身去嘅途中check，火山又關閉，之後開返，即刻仆上去，好好彩，睇到要睇嘅火山洞，煙唔係好大，所以都算好好彩。
行程大概係咁：
Day 1 香港去福岡，住天神
Day 2 喺福岡 Toyota rent a car租車，租左Prius 6日4千幾港幣，入左5000yen油左右，攞車之後去南藏園同北九州outlet，之後回福岡住一晚，同朋友食飯
Day 3 福岡去阿蘇，經過日田市，住黑川溫泉，本身行程係第4日先去阿蘇，不過睇到天氣，就改左依日去，順利睇到火山口！
Day 4 黑川去南阿蘇，住airbnb
Day 5 南阿蘇去高千穗，繼續住南阿蘇
Day 6 南阿蘇去熊本住一晚，睇熊本城
Day 7 回福岡前去鳥栖outlet，住中洲
Day 8 福岡回香港
日田市豆田町，係一條古街，附近有好多for遊客嘅免費停車場，喺度買豉油同食個lunch先上路
日田之後都係山路，其實我覺得唔洗買ETC，得第一日同最後嗰日有用到，途中有啲觀景點，可以睇下風景休息下
阿蘇火山，過左草千里，就係入口，要比1000yen入山
砂千里
ONONTHEROAD 