從第一次去台灣，大大話話都去過綠島兩三次，依個細小嘅島都有佢嘅魅力，每次去都有新嘅體驗！第一次去係好好天氣嘅，船唔算大浪，當時我地都好細個得十幾歲，所以只有單車可以揀，我地就喺咁嚴熱嘅天氣下環島，超熱呀真係。第二次我地終於可以揸電動車，唔洗車牌都可以租到，記得要戴頭盔。第三次超經典，又係環島遊但係去嘅時候陰天，係估唔到天氣差到搭海盜船咁！真係勁拋，我地一行九人，得兩個人無暈船浪。比大家嘅建議係記得睇天氣報告，食定暈浪丸，記得唔好坐船到，要坐船尾會無咁大浪，或者企喺度！唔好夾硬對抗風浪。
我地咁多次去之前都無預先book定住嘅地方，都係去到落船就會有大埋黎sell，我地仲幫襯過個大媽兩次，唔係話咩好豪華嘅地方，但就乾淨價錢唔錯，旅行嘅好處就係未知嘅事情呀嘛。
以下包括唔同時期去綠島嘅照片：
ONONTHEROAD 