上年十月中，美國嘅表弟黎左香港，叫我帶佢去觀鳥，當時剛剛好有黑面琵鷺，真係有睇到，以前都有去過南生圍嗰啲地方，唔覺有好多鳥，細心啲睇原來都有好多！我地去左南生圍、米埔、大埔滘、沙頭角都有鳥睇到！當中米埔當然係最特別，要特登申請，但都唔係好難。如果想睇到黑面琵鷺就要去南生圍或者米埔。通常黑面琵鷺會喺9-10月往南飛，除左香港，日本台灣都有，一直留到第二年3-4月先飛走，所以要把握機會，而我地去嘅時候佢地應該剛剛飛黎，所以數量唔算好多。
米埔自然保護區
如果要入去米埔保護區，一定要join佢嘅tour，唔可以自己行，我地參加左米埔自然遊 $200，可以行三個鐘，有導賞員帶住，呢個係其中一個方法入去睇，如果想自己行，合乎要求嘅話都可以自己去全日，其中如果你係大學有關嘅工作、參加有關嘅觀鳥會之類都可以申請到。嗰度啲員工都幾好人，因為本身淨係申請左兩個人，突然想加多一位佢地都可以，而泊車就可以$100泊全日，我覺得$100蚊三個鐘都幾合理嘅。行入米埔，另一邊就係漁塘。
ONONTHEROAD 