去完Wick之後開始南下直接去一個叫Banff嘅地方， 由Wick一直去差唔多三個幾鐘車，中途停Inverness食嘢同休息，之後一口氣落去Banff，點解會選擇Banff呢？因為由Wick直接去Aberdeen實在太遠，所以唯有停一停，當中喺Banff附近有兩個估唔到咁好嘅地方，係出乎意料之外嘅。呢個trip，其實行程唔算好豐富，因為都幾凍下，所以我地嘅策略係早起 -> 去一兩個景點 -> 休息食野 -> 去當晚住嘅地方，如果仲早嘅話就會去市入面行下，如果太晏嘅話就會去行超市夜晚煮飯，因為好附時都係自己煮，所以無咩好思鄉嘅感覺，去西方地方，最緊要係帶多兩包麵，如果太思鄉，可以去食越南Pho，呢邊嘅Pho都唔是太差嘅，勝在有啖湯飲下。
Banff附近有一個叫RSPB Troup Head Nature Reserve嘅地方，離Banff市二十幾分鐘車程，RSPB即係The Royal Society for the Protection of Birds 英國皇家鳥類保護協會，喺英國唔同嘅地方都有依個會嘅景點，太遲知喇如果唔係就去多啲，去之前對依個地方唔抱持好大嘅期望，點知去到先知原來係幾壯觀。去完Troup Head就去Newburgh，大約一個鐘車，上網講會有海豹睇，估唔到真係有，如果好彩嘅話啲海豹會上埋岸邊比你睇！
RSPB Troup Head Nature Reserve
呢個地方唔係好多人去，有得免費泊車，我哋去嘅時候淨係見到兩個遊客，所以係一個好舒服嘅地方，入面仲有少少規劃，有幾條步行徑，我地揀左條行個零鐘嘅path，有山海景睇，仲有勁多雀，好適合觀鳥人士。上佢地觀網睇，如果岩季節嘅話，譚puffin都會見到，puffin係海鸚，有少少似企鵝啲friend，我地就見唔到，但見到好多Gannet 鰹鳥，可能有過千隻！！官方話依度係Gannet嘅主要據點！仲有唔同品種嘅海鷗。沿住山徑一路行，會聽到好大聲鳥叫聲，附近有人地私人農場，有羊等等嘅生物，仲有好似window wallpaper嘅農地。路線我地揀左紅色線，沿住岸邊兜一個圈去返起點，唔洗行返轉頭。
ONONTHEROAD 