喺小琉球，我諗我最鍾意嘅地邊係落日亭，係一個好適合休息嘅地方，因為天氣好熱所以就算係揸機車都覺得好攰好曬好熱，去到落日亭就岩岩好係環島嘅一半路程。我地總共黎左三次咁多！第一次係下晝環島嘅時候，之後六點黎睇日落，最後夜晚黎睇星星！究竟依個島有幾細，就係由住嘅地方近白沙灣碼頭起程，大概十五分鐘內就到架喇，如果行中正路就十分鐘！
記得要日落嘅時候返去，對住個海就算無咸蛋黃得晚霞都會覺得好好睇
回程途中，有一個好舊式嘅觀光夜市，拉美市集，暑假限定！晚餐去左食夜市，休息一陣之後又去左落日亭
本來諗住去睇星星，但係因為係月圓，所以月亮太光，都有睇到啲啲星星！！！！好chill好舒服😌
ONONTHEROAD 