墾丁，離恆春其實只係半個鐘嘅車程，去各個景點都係十分鐘內， 但係如果搭公車嘅話就無咁方便，一行五人，又唔想自己揸車，所以就包左八個鐘車，TWD3500/8H。今次都係前一日問瘋XX，黎左一個女司機，我覺得佢一般啦，感覺麻麻地因為佢帶左我地去佢帶得抽水嘅地方，當中去左個餐廳，嫌我地叫得少野之類，又唔算好食，所以感覺唔太良好。
白沙灣海灘
通常第一個景點會係萬里桐，但因為前一日朋友帶左我地去所以就略過左喇，都係一個玩水既地方，所以當日第一個景點就係白沙灣海灘，墾丁嘅暑假真係好熱，我地純粹去睇下，就係一個遊客景點，一朝早無咩人，太大浪都無咩人出海。啲沙好粗，行落少少可以係石上面影下相。
貓鼻頭公園
跟住就係貓鼻頭，要收NTD30入場費，唔算貴，係一個小步道，差唔多係台灣最南既地方，行小小就會去到一個平台，視野都幾廣闊，嗰一日真係好大浪，陽光好猛烈，個景色同龍磐公園帶啲似，不過龍磐公園既感覺再大自然多啲！
貓鼻頭既意思就係有隻貓，比啲想像力，就有啲似隻貓
鵝鑾鼻燈塔
台灣最南端嘅燈塔，就一定係必去嘅地方，呢度同好多年前都係差唔多，燈塔都無想像中咁大，附近有一條小路可以行去睇到個海，唔知點解依度一滴風都無，好彩個日都唔算多人，燈塔前面仲多左幾舊幾有趣嘅雕塑
龍磐公園
呢度！係我覺得最值得去！好靚！又唔商業化，有得行少少，有山有海有草地！！
台灣最南點
顧名思義，就係最南嘅地方，景色同其他幾個地方差唔多
阿利海產
一間我唔太欣賞嘅餐廳，類似大飯堂，有啲似西貢劏你個啲地方 ，你幫襯得少會比面色你睇嗰種，嗰建議比大家，又嗰算好食，又嗰算乾淨，呢間野真係令個trip跌哂watt
Under Star Lab 草地餐桌實驗室
另一個唔中意呢個司機嘅原因係佢帶左我地去唔想去既地方，因為太熱太攰啦，我地就想去飲啲野，係Google搵左間，但佢話唔順路，之後帶左我地去一間話好靚好靚嘅咖啡店，要收入場費好奇怪，唔係話真係好靚，啲網美中意去打下卡咁，好污糟又要等位，總之就感覺好差，野飲好普通，去完依間個司機係路上求其停低就話係景點，包左8個鐘應該去到6點，但佢4點幾話睇哂啲野就車左我地返去，好差好差
ONONTHEROAD 