好耐無去旅行了，上星期趁新年假終於去左郊遊，去左大佛！大佛依期裝修緊，但都可以去行下，由東涌坐23號巴士出發，唔洗廿蚊，坐左40分鐘就到喇，無坐360因為覺得都幾貴(哭)，坐巴士都睇到好多風景既。好耐無去過大佛，對上一次黎昂平係上一次係鳳凰山行落黎，今次專登黎睇下裝修緊既佛，數碼化大佛都別有一留風味，因為可以十年先見到裝修緊既佛一次呀嘛，有幾何可以見到包到實既佛呀。山上好涼快，平日黎講都算多人，香港人真係悶(苦笑)。雖然大佛封住左，但都可以行上去平台度，平台個展覽廳都有開，以前細個見到好多人掉錢上去既銅像就唔再比人掉(可能好耐之前就唔比喇)，大佛左邊係鳳凰山，再左就係寶蓮寺，太陽好猛，有少少風，好舒服
大佛
寶蓮寺
心經簡林
往鳳凰山方向一路都有好靚既花，大佛行過去15分鐘就到喇，不過好多人，嗰度有條石壁水塘郊遊徑，無乜人，有樹陰，行5分鐘就可以離遠睇到心經簡林啲柱，好過同人逼呀
ONONTHEROAD 