Sri Lanka 斯里蘭卡 | Adam’s Peak | 登上阿當峰

來到斯里蘭卡最想做既野就係行Adam’s Peak, 或者可以叫佢做Sri Pada,第四日包車去到山腳,當晚兩點就開始行,訓左唔係好耐,同無訓無咩分別,帶左少少乾糧同足夠既水就開始起行,行返前一日行過既路,路上好黑,頭燈或者電筒都好需要,雖然唔係旺季,但都好多人一齊行,外國人居多,全程都係樓梯,建設得太好了,我就比較鍾意行泥路,好彩唔係full moon festival之後黎,因為旺季時黎,啲街燈會開住,一直到山頂都係開住,應該感覺好奇怪呢。

Adam’s Peak 高2,243 米,係斯里蘭卡第二高既山,都唔算太高,預計7點就落返山,行到去白塔既時候就係一路行樓梯衝上去因為想睇到日出。睇返前一日影到既地圖,一路行其實好快就到喇。係斯里蘭卡除左見到好多神像、廟等等,仲有好多花草樹木,連有劇毒既曼陀羅係路邊有好多,有白有紅開花開得好靚,見到都唔好掂了。上山既時候都係黑夜所以無影好多相,去到就黎到達山頂個時有一個小檔,佢啲奶茶好好飲,係用煉奶整,行到好攰飲杯超甜奶補充一下體力都唔錯呀,仲有啲薄餅等等既東西,賣得都唔貴呢,衛生就麻麻地,啲杯都無水洗,不過上到黎,唔理咁多喇。

食埋塊餅個天都開始光喇,一口氣上到山頂,已經有好多人,相信佢地早好多行,其實兩點行就差唔多,因為上到去好凍,太早去都會幾辛苦要吹好耐風,黎到山區,天氣同Colombo差好遠,空氣超好同埋好涼,上到山頂直頭係凍添。

上到山頂,同想像中好唔同,山頂位置唔係好大,有一座building,前面有位置已經坐左好多人,好嘈炒同埋無咩禮貌的外國人,都係行去第二邊比較舒服,個天已經由藍轉光,凍到唔知講咩好呀,抖左陣,睇唔到個偷腳印,好似係間屋入面,間屋又無開,所以淨係睇左個日出黎就急急落山,因為又餓,又凍,即刻仆落山呀,差唔多五點左右,慢慢行既話7點就可以返到去,因為都係樓梯,落山都幾輕鬆。

開始上山了

      

     

山頂休息處

有奶茶有餅吃

     

     

係屋個邊有鐵絲網遮住左個景

     

     

     

     

     

上山前食個檔野,有得係入面坐下

   

     

係山下望返去山頂,其實都幾遠呀,又行多一個地方既神山喇

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s