今次去日本主要目的就係要去富士山，係要上山頂嗰隻，我地揀左由富士宮上去，由名古屋去濱松再去富士宮係非常順路的。我地住係火車站隔離的Kuretake Inn Premium Fujinomiya，好喜愛依間酒店，佢係車站同巴士站隔離，好方便，同埋本身我地訂錯左一張大床房，之後我地想轉兩床佢都肯，然後我地落山仲未到check in time，佢都肯比房我地，而且價錢都唔貴，實在超推介。
富士宮市除左好出名既炒麵都有幾個景點可以去富士山本宮淺間大社，淺間大社係山上都有的，係山上必去既景點，不過聽講山面既御守都有富士山既火山灰(?)，所以諗住留返係山上面先買。仲有富士山世界遺產中心係新起的，聽講係上面就可以望到富士山，個外形係倒轉左既山，感覺好新同好先進，不過我就覺得有點貴，其實好天，係個市度都會見到個山，今次就太多雲所以無望到座山。
值得一提既係我地到達富士宮係7月9號，而富士宮口開山就係10號，所以我地係第一日開山就去左。而係依度我地主要都係去AEON度食野同買物資，由酒店都係行5-10分鐘左右，間野有幾層，好多時係遠少少既城市都會見到，好方便，差唔多想要咩都買到。 依啲地點都係walking distant，可以用半日唔洗搭車慢慢行。
富士山本宮淺間大社
富士山世界遺產中心
AEON
ONONTHEROAD 