Hamamatsu | 濱松市有咩做？

July 2018

今次去日本由名古屋出發，主要目的都係去行富士山同探老豆係千葉既朋友，所以我地飛名古屋，由東京走，途中經過左哈媽媽之，個人覺得名古屋好似都無咩野做，所以唔特別講了。我地係名古屋留左三日，再係濱松留左三日，兩個地方都留三日覺得有啲多，不過濱松竟然多野做過名古屋，面由名古屋去濱松都係一個鐘多少少，5000yen左右。

Hamamatsu Castle 濱松城

首先係有濱松城，係日本差唔多每個城市都會有座城堡，我地住係APA Hotel濱松南站，見到google map話行過去都係廿幾分鐘，所以就費時行返去火車站搭車喇，途中會經過五社公園，入面有個五社神社，無乜人咁（其實成個濱松都無乜人）。濱松城同其實城一樣都有個公園，啲樹好綠又好靚，個堡公園係免費但係上個城堡就收返幾百yen，都平過名古屋個城，不過就得兩層，（公園入面有個美術館，我地第三日去左，當時就做緊近藤喜文既展覽，都唔錯）。之後我地就搭巴士返酒店食鰻魚飯，因為太肚餓，求其揀左間八百德，因為一落車就聞到好香。