Lisbon to Sintra | 里斯本到Sintra一日遊 – 羅卡角 Cabo da Roca

去完Pena Palace同摩爾人城堡就可以去Cabo da Roca，歐洲最西面，由城堡要搭返巴士去Sintra火車站再轉403巴士去，大概四十分鐘就到。羅卡角除左大風就係大風，大風到可以吹走個人。早上去完幾個景點來依度就岩岩好，因為可以係度睇埋日落。

石碑上面寫住「Onde a terra acaba e o mar começa (陸止於此、海始於斯)」，係歐洲大陸既盡頭。落左車沿住石碑行過去就會到海岸邊。依度既大風，係一個考驗，因為無咩遮檔所以風係四面八方吹黎。不過宜家諗返有啲後悔無再留耐啲，因為當時實在太大風，最後去左唯一有遮檔既車站避風。本身諗住返Sintra搭火車返Lisbon，但Cascais架車黎先，所以去埋Cascasis，係一個好靚既沙灘，不過我地比風吹到好攰haha，無乜行就返左Lisbon。