係去里斯本之前book左R. Passos Manuel既Airbnb，之後咁岩見到Facebook有人不幸地係里斯本比人打劫、遇到黑心酒店等等，所以到埗之前有Google下里斯本邊度係危險，點解一search之前，發現我地住既附近就係網上惡名遠播既Anjos, Arroios, intendente，跟住睇到既都係搶野，小偷，係遊客唔會去既地方。依個就係我到埗之前既感覺，turn out原來係多餘既，其實去旅行，唔洗擔心得太多。
我地到埗之後，由機場搭的士去Passos Manuel唔係好遠同貴，我地由歐洲寒冷地區去到熱帶地區，由物價高去到物價低，由d人歧視冷淡去到好客同nice，其實我都幾鍾意葡萄牙。首先住既bnb，好大間，大約hkd800蚊一晚，有兩間房同埋廁所，依度大既係40度，但係屋入面得一個房有冷氣，因為依種熱同香港好唔同，就算出面幾熱一入左屋入面都會好涼爽，完全唔係好需要開冷氣。
屋既前後兩面都有露台，廳同廚房個邊望出去係classic景色，依度無高樓，有d屋都係沿山而建，除左chill，諗唔到有咩字可以形容依間屋。房個邊係個好窄既露台，無得座但係可以呼吸新鮮空氣，d衫拎出去曬幾個鐘就會乾哂。
點解我鍾意依度？因為依度既人唔會帶有歧視同有色眼光，佢地無種族優越感，首先係屋主親自黎迎接同埋介紹間屋，好似house tour咁，可以依一句對遊客黎講都比較陌生同危險，但我諗好似深水埗咁，環境無咁富裕，普遍人會覺得雜，對香港人黎講唔會因為咁樣而唔去或者唔鐘意，係里斯本依區都係，有唔同文化同種族既人，只要你唔係深夜先返去，其實都唔會有咩危險，而且係一個比較local同diverse既地方。
我地去左一間食海鮮既餐廳，唔係做遊客生意，價錢合理又好味，員工都好helpful，佢地唔識英文都會好努力同你溝通，我諗應該係family business，因為個大d既員工推左個十幾歲既細路黎同我地講野，佢英文應該係講得最好嗰個，我地學識左第一區葡文就係piripiri，意思係chili sauce咁解。
如果話一個地唔安全，不如叫自己小心d，因為就算幾安全既地方，都可以有小偷，所以就算幾多小偷既地方，只要自己小心，就唔會比佢地有機可乘，唔好抱住一個驚既心態，玩都會玩得開心啲，個地方都會美麗啲。
ONONTHEROAD 