04 -06 Jan 2018
Day 3
依一日天氣好過前兩日，不過都凍左，一早就出發係因為夜晚就要返倫敦，去Curbar Edge黎完結Peak District既旅程，又再一次去左Castleton既山谷。
Curbar Edge係東邊一個小山，爬上小山，睇到既係一片田園同山景，俯視山下面既景色。由Buxton揸車去到Curbar大概45分鐘，沿途都係晴天，因為係星期六，比前一日多車，但去到Curbar Edge Carpark都有位泊車。
泊完車之後去edge都有好清晰既指示，個山唔算好高，但通往好多地方。山上面好大風，行唔到好耐。
行左唔係好耐上到去，上面四面八方都無遮無擋，啲風迎面吹黎，係吹到痛，行左一陣就去左個edge，行唔到好出，應該會比風吹走，不過有人係度露營，見到佢地係度飲熱野。
行左一陣就要走了，因為太凍了，著唔夠衫，有啲可惜，如果夏天，一定已經行左好遠。之後去左附近小鎮食lunch，取暖為主，都係啲英式酒店下面既餐廳，好鍾意依邊啲餐廳無論好靚同乾淨都可以帶狗狗入去。食完就開始返London，如果有多啲時間，係度好耐都應該唔會去得哂啲地方。
返London是very sad的 😦 因為意味住旅行既完結 (左圖是一早拎行李上車)
ONONTHEROAD 